Taberna Mylaensis

Taberna Mylaensis è nu gruppu pristiggiusu di mùsica pupulari siciliana. L'ensemble è urigginariu di Milazzu (l'antica citati di Mylae).

Storia dû gruppu cancia

Ntô 1975, lu milazzisi Luciano Maio funnau lu gruppu musicali Taberna Mylaensis pi scummigghiari la granni mùsica tradizziunali Siciliana.

Lu gruppu si dèdica â ricerca e prumuzzioni dâ cultura siciliana. Li membra sunnu cantautura, cumpusitura e rilabburatura di mùsica sìcula.

Lu ripirtoriu dû gruppu, urigginariamenti cuncintratu supra la canzuna di prutesta, si spustau a picca a picca supra n'approcciu n'anticchia cchiú cuntimpuràniu e tradizziunali.

Ricerca cancia

La ricerca cunnutta attuarmenti dî Taberna Mylaensis pigghia spuntu dâ Scola Puètica Siciliana (XII sèculu) ca si sviluppau sutta lu Regnu Sìculu-Nurmannu di Fidiricu II di Svevia, lu pirsunaggiu stòricu arristatu ntô mmagginariu cullittivu.

Canzuni cancia

Li sò canzuni attuali (di tradizzioni e cumpusizzioni novi), discrìvinu la scienza e la filosufìa pupulari siciliana, e la "sicilitùtini" 'n ginirali, ma, splòranu macari rilazzioni musicali cu li culturi dû bacinu miditirràniu.

Nfruenzi musicali cancia

Nta la mùsica di lu gruppu, putemu nutari li nfruenzi musicali grechi, àribbi, e nurmanni (pòpuli ca nfruinzaru la cultura di l'accussidditta "Ìsula du suli", la Sicilia

Premi cancia

Ntô 2004, la Taberna Mylaensis arricivi a Saracusa lu premiu "Corrado Maranci" pi l'attivitati, lu cuntribbutu e la diffusioni data â cultura e mùsica pupulari siciliana.

Cumpunenti dû gruppu cancia

Discugrafìa cancia

  • Vinniru du mari, Federicu - 2004. Li canzuni 'n sicilianu: Federicu, E vinniru du mari, A Sicilia addivintò putenti, Quannu nascisti tu, U tistamentu, e Na canzuna d'amuri.
  • La Chiami Sicilia Live - 2001. Li canzuni 'n sicilianu: Lu diamanti, Tirrimotu, Novi misi, Cu jè, Malasorti, Bedda vui siti, Vittoriu Emanueli, Amuri ca luntanu stai, Sautu da mandula, Merulu merulu, e Ciuri d'amuri.
  • L'Anima du munnu - 1998. Li canzuni 'n sicilianu: Terra bruciata, L'anima du munnu, Unu avanti e centu arreti, U suli, Lampabbò...Lampà, Scurri adagiu, Binidittu sia (cu fici u munnu), Canta l'amuri, Tirrimotu, Allah muntagna, e Cu jè.
  • Allah Muntagna - 1996. Li canzuni 'n sicilianu: Mala Sorti, Vittoriu Emanueli, Fammi Ristari, Amuri Ca Luntanu Stai, Allah Muntagna, Mari, Sicilia È la Terra Di Li Rosi, Li Francisi Cu la So' putenza, Bedda Vui Siti, Vinniru l'Unni Amola Amola, Chianciunu l'Occhi Mei, U Cauddu, Dilicateddu, e Tammorra E Vuci...Una, Ddui E Tri'.
  • Fammi ristari - 1976. Li canzuni 'n sicilianu:

Cantu di carcirati, Fammi ristari 'nto menzu di to brazza, U tritrolu, L’amanti cunfissuri, San Caloriu di Naru, Ninna Nanna, Prighiera prufana, Lu patri nostru di San Giulianu, Mirtoti sfasciasanti, A sirinata du carritteri, e Cantu di lu metri.

Liami nterni cancia

Lijami di fora cancia