Tranvia di Catania

St'articulu fa parti dâ seria
Trasporti e Vìculi
Sizzioni Trasporti...

Trasportu di passiggeri
Trasportu di merci - Liggi
Ferruvìi - Ariunàutica

Sizzioni Vìculi...

Menzi di trasportu
: Casi e Mudelli
: Casi e Mudelli
: Casi e Mudelli

La Tranvia di Catania era nu cumplessu di linii citadini di Tram pi traspurtari li pirsùni di 'n quartèri all'àutru di Catania.

Tram davanti â Villa Billini

La riti tranviaria di Catania era cumposta di linii a scartamentu riduttu e a currenti alettrica cuntinua a 600 V. I linii forû smantillati ntô 1951 e cangiati cchè filabussi.

Storia cancia

 fini dô seculu XIX lu trasportu pùbblicu citadinu si faceva ccu l'omnibus ca èrunu scomuti carruzzuni cchè cavaddi. Ntô 1892 l’amministrazioni cumunali dô sìnnicu Carnazza, stipulàu 'n cuntrattu cà Sucità anonima Tramways di Catania (ca era dô ngigneri Gatto di Missina e dô signor Battaglia titulari dâ Sucità dô Gas) ; lu scupu era la custruzzioni di na riti tranviaria a vapuru ccô capulinia a Cìfuli e a Vaddia Ognina ca appòo s'avissi prulungatu n'sechitu macàri a la chiazza Cavour. Tuttu pirò finìu a causa e non sinni fici nenti.

S'accuminciàu appoi a parlari di fari i tram alèttrichi e si mìsiru 'n gara: i fratelli Prinzi, ca èrunu grossi ndustriali citadini (ca avèvunu li Molini Prinzi e macàri raffinirìi e cummerciu di sùrfuru), la Banca Durand di Lioni, ca ci facèva lu prestanomi a Gatto e Battaglia e la Sucità anonima di alettricità Felix Singer e C. di Berlinu cà ppi giunta si mpignava, su cci davunu la cuncissioni, a dari un cuntribbutu di Liri 500.000 pô prulungamentu dô Viali Riggina Margherita.

La giunta cumunali Leonardi ntô 1898-99) vutò a favuri dâ Banca Durand, ma scuppiàru forti pulemichi, pircì li sò cundizzioni erunu chiaramenti cchiù tinti .

La Sucità Singer s'assuciàu allura ccà Sucità alettrica Helios di Culonia (Germania), aumintànnu li garanzii pristati e pruponeva puru di alluncari la riti tranviaria finu a Gravina, Mascalucia, San Giuvanni a Punta e Varanni. Lu cumprumissu si stipulàu lu 25 giugnu 1898 e lu 28 jinnaru 1899. 'N sèchitu all'attu di cuncissioni ca la Jiunta pruvinciali avia appruvàtu, in basi ê piani, disegni e prugetti appruvati dô Cunsigghiu cumunali lu 20 uttùviru1899 la Sucità anonima di alettricità Felix Singer e C. di Berlinu ci addumannàu ô prifettu di Catania “l’atorizzazioni a custruiri 'n Catania n’officina pi pruduzzioni di eneggia alettrica pi alluminazzioni e forza mutrici” . Accussì lu cumuni di Catania avia finarmenti datu a sta Sucità Singer e C. l’atorizzazzioni a frabbicari l’officina di pruduzzioni di l'eneggia alettrica nsia pii alluminazzioni ca pi forza mutrici ppê tram.

Lu 12 dicèmmiru1900 finarmenti vinni calàta la prima petra pâ custruzzioni di l’officina dè tram alettrici â via Gazometru nta 'n tirrenu di oltri 7.000 metri quatrati accattàtu lu 6 austu1900 dâ Sucità alettrica Helios di Culonia, (ca ntantu s'avia accattàtu puru la Sucità Singer). Lu tirrenu ntâ cuntràta Villascabbrosa, era nfacci ô portu di Catania cunfinanti cu la via Miciu Tempiu.

L'8 giugnu1902 vincìu l'alezzioni lu Partitu Socialista Taliano e nsèchitu a stu fattu vinni n'atra vota a galla la custioni tranviaria. Lu novu cunsigghiu cumunali stabilìu lu tracciato difinitivu, sulu citadinu e senza linii ppi àutri cumuni, cu li partenzi dê tram dâ Piazza Domu, cca linia 1 pi Picaneddu, la linia 2 pi Cìfuli e la linia 3 pa Vaddia Ògnina.

La Singer-Helios â fini dô 1904 ci vinnìu li diritti di cuncissioni a la Société Anonyme Tramways et Éclairage Électriques di Bruxelles. Lu 10 dicèmmiru dô 1904, sta Société Anonyme Tramways & Éclairage Électriques mannàu all’amministrazzioni cumunali di Catania la copia, “des deux pouvoirs qui ont été passés hier par devant notaire”, pi farila autenticàri di 'n nutaru talianu in mudu di fari l'attu di cissioni di tutti li prupriità a sô nomu. L’annu doppu accuminciàu lu sirviziu rigulari dê tram citadini alèttrichi a scartamento riduttu. Nsechitu li linii arruvàru nfinu all'Acquicella, ntô chiazzali ntistanti lu Cimiteru passandu pa via Caribardi e a Chiazza Palestru; n'àutra linia nsinu ô Faru Biscari pe lidi dâ Plaia (ntô piriudu dâ stati) e àutri longu lu pircorsu dê viali, Riggina Margherita e XX Sittèmmiru.

Nsèchitu li tram passàru di pruprità a la Sucità Catanisi Auto Trasporti (SCAT) ma ntô 1951 si pinsò di luvàrili e mèttiri ô sò postu li filabussi.

Linii tranviarii citadini cancia

Linia Tratta Inizziu Chiusura Tipu di tram Annutazzioni
1 Chiazza Domu - Picanèddu 1905 1951 - prulungata nsinu ô Cimiteru
2 Chiazza Domu- Cìfuli 1906 1951 - -
3 Chiazza Domu - Ògnina 1905 1951 - -
4 Chiazza Domu - Tunnu Giuèni 1906 1951 - -
5 Chiazza Domu - Stazzioni 1905 1951 - -
6 Chiazza Domu - Lidi Plaia 1910 1950 - nsinu ô Faru Bìscari-sulu piriudu estivu

Vidìti puru cancia