Vitu Santangelu
Vitu Santangilu o Santangelu (Vito Santangelo n talianu) è nu cantastori sicilianu ca nascìu a Paternò (CT) ntô 1939.
Biografìa
canciaVitu Santangelu appi lu sò primu cuntattu cu lu pùbbricu ntô 1951, zoè quannu iddu avìa sulu trìdici anni: cantava nzèmmula a na cumpagnìa d'artisti giròvachi ca s'ammustrava ntô sò paiseddu. A pàrtiri di stu mumentu, accumenza a fari parti di la cumunitati dî cantastori siciliani (Pàulu Garofanu, Cicciu Busacca, ecc.).
La prima storia ca scrissi fu "La madre assassina" nta lu 1958.
Cullabburazzioni cu Gnazziu Buttitta
canciaComu a Cicciu Busacca, Vitu Santangelu cullabburau puru iddu cu lu famusu pueta sicilianu Gnazziu Buttitta
Premi
canciaVincìu lu premiu “Trovatore d’Italia”. Ntô 1958, Vitu Santangelu, c'apprisintau la storia di “La madre assassina”, vincìu lu premiu di lu 2° Concorso Nazionale dei Cantastorie "Il Trovatore d'Italia" a Gonzaga (Mantova).
Temi
canciaNtâ sò pruduzzioni cchiù ricenti accuminzau midemma iddu a trattari argumenti d'attualitati comu la mafia, lu malcuvernu, lu prubbrema dâ mmigrazzioni e la guerra.
Nota
canciaVitu Santangelu è unu di ddi cantastori ca firriava la Sicilia, chiazza doppu chiazza (chiddi dî cumuna siciliani), mittennu a canuscenza a lu pòpulu li fatti riarmenti accaduti o nun, ricitannu e cantannu. Arcuni di sti stori èranu nvintati dâ fantasìa di l'auturi o ispirati di fatti nichi ca vinìanu appoi mudificati e pruposti 'n rima di l'artista.
Òpiri musicali
cancia- La madre assassina
- La morti di Turiddu Giulianu