Artisti e ntillittuali siciliani secunnu li vari campi dâ cultura

Sta vuci cunteni na seri di noma di artisti e ntillittuali siciliani chi si distingueru ntê vari èbbichi ntî vari campi curturali. Li nutizzi sunnu accumpagnati quarchi vota di quarchi annotazzioni supra l'òpira o li tracci ca lassau.

Pittura

La nunziata di Antunellu di Missina.

Lu pitturi Antonello da Messina ntô '400, auturi di l’Annunziata, cunzidiratu comu nu ritrattu fimmininu tra li cchiù canusciuti dô munnu; e, nta l’èbbichi cchiù ricenti Renatu Guttusu o Sarvaturi Fiumi si fici canusciri.

Musica

Li musicisti Alessandro Scarlatti di Palermu, Vincenzo Bellini di Catania e Erricu Petrella di Palermu.

Scultura

Li sculturi Mariu Rutelli, Giàcumu Serpotta, Gnaziu Marabitti, Dumìnicu Gagini e li sò figghi e discinnenti, Etturi Ximenes; e nta èbbichi cchiù ricenti Enzu Assenza dô Puzzallu, Emiliu Grecu di Catania e Francesco Messina di Linguarossa;

Architittura

L’architetti Feace di Girgenti nta l’èbbica cràssica; Matteu Carnilivari di Notu ntô Quattrucentu; Fulippu Juvarra di Missina ntô Setticentu, e Ernestu Basili di Palermu ntê nostri tempi;

Tiatru

li drammaturghi Epicarmu di Sarausa, ca spirimintò la cummedia prima di Aristòfani; e Luiggi Pirannellu di Girgenti, ca rinnovò lu tiatru mudernu, e ca ci fu datu lu Premiu Nobel ntô 1934;

Cìnima

li riggisti dô cìnima Ninu Martogliu, ca havi sprimintatu lu neorialismu già ntô 1914; Frank Capra, quattru voti Oscar; e ntê nostri jorna Giuseppi Tornatori;

l’atturi Giuvanni Grassu e Àngilu Muscu di Catania; e li attrici Virginia Balistrieri di Tràpani, Tina Di Lorenzu di Notu, Mimi Aguglia di Palermu, e Rosina Anselmi e Marinella Bragaglia di Catania;

Puisìa

li pueti comu Cielu d'Alcamu, Jacupu di Lentini, Antoniu Venezzianu di Munriali, chiamatu "lu sìculu Petrarca"; Giuvanni Meli di Palermu; Ninu Martogliu di Catania; e Salvaturi Quasimodu di Mòdica Premiu Nobel 1959;

Littiratura

li scritturi Giuvanni Verga, fattu sinaturi ntô 1920; Luigi Capuana, mastru di lu verismu nta l’Italia; Fidiricu De Robertu, auturi di "I viceré", e Giuseppi Tomasi di Lampedusa, auturi di "Il gattopardo";

Crìtica

lu crìticu littirariu Luigi Russu di Dèlia (Caltanissetta) e lu crìticu d’arti Stefano Bòttari di Fiumedinisi (Messina).

Filosufìa

Empedocli di Akragas (ora Girgenti), ca ntô V sèculu a.C. parrò pi la prima vota di lu "cuncettu ntillittuali di Diu";

Gorgia di Lintini, ca spirimintò la dialèttica, e fù lu patri di la sufìstica, cu la sò grannìssima arti di la palora;

Michelàngilu Fardella di Trapani, ca fici canùsciri Cartesiu nta l’ Italia, e ispirò a Giuseppi Leibnitz lu “cuncettu di mònade", affirmannu la basi mmatiriali di la materia;

Giuvanni Gintili di Castelvetranu (1875-1944) rifurmò la dialèttica hegeliana, e criò l'attualismu, ca afferma l'auto aducazzioni di l'omu, nè tri stadi di arti, riliggiuni e filusufìa;

Simuni Corleu di Salemi (1823-1891), prufissuri di Filusufìa a l'Università di Palermu, ntô 1889 criò lu primu labburatoriu di Psicoluggìa spirimentali nta l’Italia;

Angilu Sacheli di Canicattì (18901946), prufissuri nta l’Università di Missina, fu lu funnaturi di la "pedaguggìa metafìsica", e ntô 1939 fu primiatu di l'Accademia dei Lincei.

Storiografìa

Timeu di Taormina, dô VIII sèculu a. C, fu lu primu a ancurari lu cuntu stòricu a lu computu cronulòggicu di l’Olimpìadi;

Diodoru Sìculu di Àggira, ntô I sèculu a. C, fu lu primu stòricu a pruvari a fari na Storia universali, cu 40 libra di la sò Biblioteca stòrica;

Roccu Pirri di Noto (1577-1651) cu la sò òpira Sicilia sacra, pubbricata a Palermu ntô 1630, fu avanti prima di trìdici anni a li sludi di storia ecclisiàstica nta l’Italia di Ferdinando Ughelli, ca è pi sbagghiu cunzidiratu lu funnaturi di sti studi nta l’Italia;

Rosariu Gregoriu di Palermo (1753-1809) dimostrò, già ntô 1798, ca lu cuntu stòricu s’havi basari supra fatti documintati, e no supra la pirsunali ntrippitazzioni di lu stòricu;

Micheli Amari pi lu Mediuevu sicilianu;

Gaetanu Columba, Biagiu Paci e Santu Mazzarinu pi la storia antica, e Rosariu Romeu pi chidda risurgimintali, rèsuru ricustruzzioni pirfetti di li pirìudi stòrici trattati;

di la storia di Sicilia comu "Storia del popolo siciliano" si nni occupau Santi Correnti di Ripostu (Catania), ca la sò òpira fu apprizzata di stòrici comu a Franco Cardini, Massino Ganci, Giovanni Spadolini e Giuseppe Tricoli pi li soi cuntribbuti a la storiugrafìa cuntimpurània, cu li cuncetti di Bievo, di Guerra dei Novant'anni, Storia interregionale d'Italia, e cu la Legge di univucità dû fatto stòricu.

SE VABBE Archimedi di Sirausa (287-212 a.C.), geniu matimàticu pi ccillenza, criò lu principiu idrostàticu ca porta lu sò nomu, e ca pirmetti a li navi di navigari e a l’aèrii di avvulari; mmintau straurdinari strumenti di guerra, comu li specchi ustori; appricò ginialmenti lu principiu di la leva, arriniscennu a varari iddu sulu na navi;

Giuvanni Alfonsu Borelli di Messina (1608-1679) arrivuluzziunau l'astronumìa, spiegannu pi primu ca la trajettoria di li cumeti, nun è circulari, ma ellìttica; e nzignò matimàtica nta l'Università di Pisa, ntî la càttidra ca era stata di Galileo;

Francescu Maurolicu di Messina (1494-1574) fu geniu polièdricu: ntrodussi lu principiu di nduzzioni nta matimàtica, scuprìu la stidda Nova di la custillazzioni di Cassiopea, ntô 1571 tracciò la rotta pi li navi cristiani ca di Missina partìanu pi Lépanto, e scrìviu na funnamintali òpira stòrica supra la Sicilia, lu Sicanicarum rerum compendium;

Giuvanbattista Hodierna di Ragusa (1597-1660) fu astrònumu, mitiuròlugu e naturalista (studiò pi primu l'occhiu cumpòsitu di la musca e lu denti di la vìpira; e pubbricò pi primu l'òpira di Galileo supra la vilanza idrostàtica;

Li dui matimàtici siciliani Giuseppi Moleti di Messina (1531-1588) e Giuseppi Scala di Notu (15561585) fìciru parti di la cummissioni dî cincu dotti, ca ntô 1582, pi vuliri di papa Gregorio XIII, rifurmaru lu calennariu oggi viggenti;

Lu biòlugu Fulippu Arena di Piazza Armerina (17081789) studiò pi primu nta l’Europa la sessuoluggìa di li chianti, rilivannu 'n particulari la mpullinazzioni fatti di li nzetti; e studiò prima di Mendel l'ibridismo, e di Carlo Darwin l'evoluzziunismu;

Liunardu Ximenes di Tràpani (1716-1786) nzignò Idràulica e Astronumìa nta l'Università di Firenze, e dda funnau l'Ossirvatoriu scientìficu ca ancora oggi porta lu sò nomi;

Lu butànicu Pietru Cùppari di Itala (Missina), 1816-1870, dal 1844 nzignau Agraria a l'Università di Pisa, funnannu la muderna agronumìa nta Italia;

Stanislau Cannizzaru di Palermu (18261910) ca nzignò Chìmica nta l’Università di Gènuva, di Palermu e di Roma, e nnaugurò la tiurìa atomìstica, arrivuluzziunannu la chìmica muderna;

Fulippu Re Capriata di Licata (18671908), prufissuri di Fìsica nta l'Università di Missina, fu unu dê primi a studiari supra la televisioni, cû sò saggiu scientìficu pubbricatu nta Francia ntô 1903;

Etturi Majorana, natu a Catania ntô 1906, e mistiriusamenti scumparsu ntô 1938, prufissuri di Fìsica "pi chiara fama" nta l'Università di Nàpuli, e auturi di la liggi HeisenbergMajorana, supra la fissioni di l'àtumu, hà statu unu dê pricursuri di la bumma atòmica, appoi custruita dô sò amicu e culleca Enrico Fermi pi li USA duranti la II Guerra munniali; nun èni asclusu ca la mistiriusa scumparsa di Etturi Majorana è duvuta a la pricisa ntuizzioni di l'usu micidiali ca l’òmini avìssuru fattu di la fissioni di l'àtumu;

Ticnoluggìa

Dui di li quattru piluni ca di lu 1973 funnu misi a riggini lu "Ponti supra lu Bòsfuru", ca a Istanbul junci l'Europa cu l’Asia Minuri, hannu statu custruiti nta la Sicilia, a Carini nta pruvinza di Palermu, di l’officini AERSIMM.

Editurìa

Lu primu dizziunariu talianu fu fattu di nu sicilianu, ca è lu "Vallilium" di lu studiusu Niccolò Valla di Girgenti, ca lu pubbricò a Firenze ntô 1500, pirciò dui anni prima di chiddu di lu famusu "Calepino" dô frati bergamascu Ambrogio da Calepio, ca fu pubbricatu ntô 1502;

Dô 1757 finu ô 1760 vèninu pubbricati nta Sicilia li tri volumi di lu Lexicon Topvgraphicum Skulum di lu stòricu catanisi Vito Maria Amico (16971762), prufissuri di Storia nta l'Università di Catania, ca sunnu lu primu esempiu nta Italia di dizziunariu stòricugiogràficu;

Lu littiratu Vicenzu Linares di Licata (1804-1847) pùbbrica a Palermu ntô 1840 li soi Racconti Popolari, ca è lu primu esempiu di "novella popolare" nta Italia, anticipannu lu verismu di Verga e di Capuana;

Cu la sò cullana ntitulata "I Sempreverdi", nta la fini dô sèculu scorsu, l'edituri catanisi Niccolò Giannotta (1846-1914) fu lu primu nta l’Italia a pubbricari "edizioni tascabili"; di lu 1929 finu a lu 1935 veni pubbricata la monumintali Nciclopedia taliana (è chissu lu sò veru nomu: ma tutti la chiàmanu Treccani di lu nomu dô sò finanziaturi, lu conti Giovanni Treccani degli Alfieri, nnustriali tèssili briscianu) ca la pòninu ntra l’avanguardia di àutri stissi nizziativi di l’Europa. Sta pristiggiusa nciclopidia è duvuta a tri siciliani: a Giovanni Gentile di Castelvetrano (18751944) pi la direzzioni scientìfica, a Calogero Tumminelli di Caltanissetta (1886-1945) pi la direzzioni editoriale e tipogràfica, e a Antoninu Pagliaru di Mistretta (18981973), prufissuri di Crìtica semàntica nta l'Università di Roma, pi la direzzioni ridazziunali.

La tradizzioni edituriali siciliana, ca cunta nomi pristiggiusi nta la Sicilia dô primu Novicentu cu li Andò e li Sandron a Palermu, Muglia e Principato a Missina, e Battiato a Catania, cuntìnua ancora oggi a Palermu cu Flaccovio, Guida, Palumbo e Sellerio]], a Catania cu Boemi e cu Greco, a Missina cu Armando Siciliano, a Siracusa cu Ediprint e Romeo, e a San Cataldu cu li Edizzioni Nocera.

Fora dâ Sicilia, la tradizzioni edituriali siciliana cuntìnua a Milanu cu li Giuffrè e cu li Mursia, e a Firenze cu li D'Anna.

Pulìtica e sucità

Lu primu Parramentu di lu munnu è chiddu sicilianu dô 1129; mentri chiddu ngrisi è dô 1264;

La prima granni rivoluzzioni pi la libertà di nu pòpulu, è chidda siciliana dû Vespru, accuminzata lu 30 marzu 1282;

Lu suciòlugu Argistu Giuffredi di Palermu (1535-1593) anticipau di quasi dui sèculi lu pinzeri umanitariu di Cesari Beccaria, prupunennu dû 1580 l'abbulizzioni di la pena di morti;

La custituzzioni siciliana dô 1848-49 fu la cchiù libbirali e la cchiù dimucràtica ca si putissi aviri nta ddi tempi: cu l'art. 33 lu Re nun avìa la facultà né di srògghiri né di suspènniri lu Parramentu; mentri cu l'art. 2 lu Parramentu putìa dichiarari dicadutu lu Re (e lu fici lu 13 aprili 1848, chiamannu supra lu tronu di Sicilia lu prìncipi Alberto Amedeo di Savoia);

Dui òrgani mpurtanti di lu Regnu d'Italia foru stituiti di n’omu pulìticu sicilianu, Filippu Còrduva di Aidone (1811-1868): si tratta di la "Corte dei Conti" e di lu "Consiglio di Stato".