Salvatore Cuffaro
Salvatore ("Totò") Cuffaro (Rafadali, 21 di frivaru dû 1958) eni nu pulìticu sicilianu.
 |
|||
| Prisirenti dâ Riggiuni Siciliana | |||
|---|---|---|---|
| Durata mannatu | 17 di giugnettu 2001 – 28 di maiu 2006 | ||
| Pridicissuri | Vincenzo Leanza | ||
| Succissuri | Salvatore Cuffaro | ||
| Durata mannatu | 28 di maiu 2006 – 18 di jinnaru 2008 | ||
| Pridicissuri | Salvatore Cuffaro | ||
| Succissuri | Nicola Leanza facenti funzioni | ||
| Dati ginirali | |||
| Partitu puliticu | Unione dei Democratici Cristiani e di Centro, Dimucrazzìa Cristiana, Partitu Pupulari Italianu, Cristiani Dimucràtici Junciuti, Unione Democratica per la Repubblica, Cristiani Dimucràtici Junciuti, Popolari UDEUR e Popolari di Italia Domani | ||
| Alma mater | |||
Ntê scoli medî e supiriori studiau ntê Salesiani dû culleggiu "Don Bosco Sampolo" di Palermu. Nni l'anni '80 si lauriau n midicina e chirurgìa, e fici parti dû Cunsìgghiu di Facultà e dû Cunsìgghiu di Amministrazzioni di l'Universitati di Palermu comu rapprisintanti dê studenti. Dopu ca si pigghiau la spicializzazzioni n radioluggìa, participau a la criazzioni dû "Centru Sicilianu Don Luiggi Sturzo".
La sò carrera pulìtica
canciaQuann'era studenti avìa adirutu â Dimucrazzìa Cristiana, di cui fu diligatu riggiunali dû muvimentu dê picciotti e diriggenti urganizzativu pâ Sicilia. Ntô 1980 fu eliggiutu cunziggheri cumunali di Raffadali, unni era capugruppu dâ DC. Dopu cuntinuò la sò attività pulìtica 'n Palermu, n'àutra vota eliggiutu cunsiggheri cumunali dû capulocu.
Ntô 1991, cu na bona affirmazzioni pirsunali (79.970 voti di prifirenza supra 287.166 di lista (27,85%) nnû culleggiu di Palermu), addivintau diputatu nni l'XI liggislatura di l'Assimbrea Riggiunali Siciliana. Nni sta liggislatura fu cumpunenti dâ Cummissioni attivitati pruduttivi e vici prisidenti dâ Cummissioni riggiunali antimafia.
Vinni eliggiutu arredi ntô 1996 diputatu di l'Assimbrea Riggiunali Siciliana (XII liggislatura) (15.988 voti di prifirenza supra 61.367 (26,05%) nnû culleggiu di Palermo), nni la lista dê Cristiani Dimucratici Uniti, lu partitu guidatu di Roccu Buttiglione, nasciutu dopu la scissioni dû Partitu Pupulari Talianu, partitu ca ripigghiau l'eredità dâ Dimucrazzìa Cristiana. Nni sta liggislatura fù assissuri a l'agricultura e furesti ntê cuverni riggiunali a partiri di lu 50° finu a lu 54°.
Lu 17 di giugnettu dû 2001, comu candidatu prisidenti dâ cualizzioni di centru-dritta, nni la prima elizzioni diretta dû prisidenti dû cuvernu riggiunali, fù eliggiutu cô 59% dê voti, battennnu l'àutri dui candidati accumunati dâ cumuni pruvinenza dimucristiana: Lioluca Urlannu (37%) e Sergii D'Antoni (4%), rapprisintanti rispittivamenti dô schieramentu di centru-manca e di Dimucrazzìa Eurupea.
Attuarmenti cummògghia macari la càrica di Cummissariu Straurdinariu pi l'emirgenza ìdrica e Cummissariu Diligatu pi l'emirgenza rifiuti, occupànnusi dâ riurganizzazioni dû sistema di l'acqui e di la priparazzioni dû pianu enirgèticu riggiunali.
Nni l'U.E. è Prisidenti dû Cumitatu dî Riggiuni Isulani dû Meditirràniu (IMEDOC) e dû CPRM (Cumitatu dê Riggiuni Perifèrichi e Marìttimi). Comu Prisidenti dô CPRM fici lu tutoraggiu pi l'ammissioni di Cipru nni l'U.E. e spinci pi na nova pulìtica di "vicinatu" pi favuriri lu sviluppu nzèmmula a l'àutri riggiuna fruntaleri di lu Meditirràniu.
Cu lu CDU participau a la funnazzioni di l'UDC (Unioni dê Dimucratici Cristiani e Dimucratici di Centru), ca juncìu a liveddu nazziunali li partiti ca si richiàmanu a la Stòria dâ Dimucrazzìa Cristiana (CCD, CDU e DE).
Eliggiutu nni l'Elizzioni eurupei dô 2004 comu capulista di l'UDC nni la circuscrizzioni di l'ìsuli cu 162.017 voti, rinunciau a lu sèggiu a favuri dô primu ca nun acchianau.
Ntô 2005, comu cuvirnaturi dâ Riggiuni Siciliana, prisintau na liggi riggiunali ca misi lu quorum dû 5% pê partiti ca vonnu aviri na rapprisintanza riggiunali e l'altirnanza ubblicatòria màsculu-fìmmina nnô listinu dû quali vèenunu eliggiuti li diputati dâ cualizzioni ca vinci lu prèmiu di maggiuranza. La liggi ricivìu l'appòiu dô 52% dê siciliani n uccasioni dô referèndum cunfirmativu.
Nnô stissu annu fu puru numinatu vici-sicritariu nazziunali di l'UDC, quannu Lorenzu Cesa pigghiau lu postu di Marcu Follini comu sicritariu nazziunali.
Candidatu ni l'elezzioni pulìtichi dô 2006, fu eliggiutu sinaturi dâ XV Liggislatura comu capulista di l'UDC nnâ circuscrizzioni Sicilia.
Candidatu arre' di lu scheramentu di centrudritta a Palazzu D'Orleans, lu 28 di maiu dû 2006 fu eliggiutu arreri Prisidenti dâ Riggiuni Siciliana cu lu 52,1% dê voti, contra lu 41,6% dû candidatu dô centrumanca, Rita Borsellinu, e lu 5,3% di chiddu di Allianza Siciliana, Nellu Musumeci.
Li cuntruversi
canciaMacari ca Cuffaru rializza na carrera pulitica di nu certu successu, è cunziddiratu di na parti cunzistenti dî sò avvirsari pulìtici nu pirsunaggiu cuntruversu. Cèlibbri fu `na sò participazzioni a na trasmissioni di Santoru, unni ancora picciutteddu, rispunniu mali a Giuvanni Falconi.
Ndagatu pi mafia, fu sempri assortu. Pirò lu 18 di jinnaru 2008 vinni cunnannatu 'n primu gradu a cincu anni di càrciri e a la ntirdizzioni di l'uffici pùbbrici pî favuriggiamentu sèmpricie e ppi violazioni rê sicriti ri ufficiu, ntâ vicenna supra li talpi ndâ DDA di Palermu. Cuffaro vinni scaggiunatu di l'accusa di favuriggiamentu a Cosa Nostra e dichiarau sùbbitu di nun aviri ntinziuni di lassari la càrica di Prisidenti riggiunali. Chhiù appressu s'addimittiu e u 29 jinnaru venni destituitu, ccu nu decretu di lu presidenti du cunsigghiu Romanu Prodi comu prevedi la leggi. Appuoi u 24 Ottobri â corti custituziunali rispinciu u cunflittu ri cumpitenzi cca a Rigghioni sicilianu avia spinciutu contru u decretu.
Liami esterni
cancia- Situ pirsunali
- Schedi di l'attivitati nta l'Assimbrea Riggiunali Siciliana: XI, XII, XIII Liggislatura
- Situ ufficiali di UDC
- Scheda personali nta Senatu