Elisa

Elisa Toffoli, canusciuta di tutti pari comu Elisa, (Monfalcone (Go) 19 Dicèmmiru 1977) è na cantautrici. Li sò canzuni nun sunnu sempri li stissi ma sunnu nfluinzati di tanti gèniri diversi comu lu rock, lu blues, lu soul e li sunurità new age. Si dici ca è una dê cchiù beddi e àbbili vuci dô panurama dâ mùsica taliana e s'arricanusci nnanzituttu pô farsettu cu tunalità iàuti e, picchì è l'ùnica cantautrici taliana ca scrivi quasi sulu nnâ lingua nglisa.

La biografìa

Elisa 'n cuncertu

Lu nizziu

Elisa Toffoli nasci a Trieste lu 19 Dicèmmiru dô 1977. Già picciridda havi na sinzibbilità artìstica ca si fa nutari: ama dipìnciri, abballari, cantari e macari ricitari. Lu sò amuri pi l'arti aumenta chê puisìi di Kipling e chê lìrichi di Jim Morrison, ma lu sò talentu si esprimi cchiù assai nnâ mùsica. A 11 anni scrivi la sò prima canzuna, “Anthea”, didicata a sò niputi.

Finiti li scoli medi si metti a travagghiari comu parrucchiera cu sò mamma e sò soru, ma la mùsica resta p'idda la cchiù bedda e mpurtanti passioni e forma nu gruppu, “ 7 roads”, n cui sona lu bassu, e ntô mentri pigghia lezzioni di pianu e vuci e fa pianobar p'accattàrisi la strumintazzioni ca ci servi. A 16 anni trasi comu cantanti nna “Blue swing Orchestra”, ca sona nna tuttu lu Friuli. La mùsica addiventa lu sò travagghiu quannu a Sittèmmiru dô 1995 fa nu pruvinu cu Caterina Caselli ca s'accorgi sùbbutu dô sò talentu. L'annu doppu Elisa firma lu cuntrattu câ casa discogràfica Sugar e parti pâ Mèrica a Berkley, unni cô prudutturi Corrado Rustici travagghia a li canzuni dô sò primu album “Pipes&Flowers”, ‘ca nesci lu 22 Sittèmmiru 1991 anticipatu dô sìngulu “ Sleeping in your hand”.

Tra lu primu e lu secunnu ciddì (CD), Elisa si pigghia na pàusa pi capiri quali strata dari â sò mùsica. Va a l'èstiru e canusci tanti pruduttura e musicisti ca vòlinu sunari nnô sò secunnu album. Lu 5 Maggiu 2000, nesci “Asile’s world”, lu munnu di Asile, ca liggiutu a riversa è Elisa, tìtulu ca suttulìnia la ntiriurità di stu discu. Veni anticipatu di “Gift”, canzuna scritta pi sò matri.

A Sanremo

La cantanti riggistra la sò prima canzuna n talianu, “Luce (Tramonti a nord-est)”, ca è la virsioni taliana di “Come speak to me” scritta câ cullabburazzioni di Zucchero. Cu sta canzuna Elisa dicidi di participari ô festival di Sanremo dô 2001 e lu vinci. Asile’s world veni ristampatu câ canzuna vincitrici e la virsioni nglisa “Come speak to me” . Doppu la vittoria dicidi di turnari n Amèrica pi travagghiari ô sò terzu album, “Then Comes The Sun”, sempri cu Corrado Rustici, ca nesci lu 9 Nuvèmmiru 2001, pricidutu di “Heaven out of hell”, na canzuna duci scritta sempri pi sò matri e, la sira stissa veni prucramata la megghiu artista taliana a l' Mtv Music Awards.

Lu stissu annu, veni pubbricatu “Elisa” nna cchiù di 20 nazzioni, comu Regnu Unitu, Francia, Girmania, Spagna e Ulanna, na raccolta chê megghiu canzuni dê primi 3 album. Nna l’Uttùviru 2002 debutta ô Teatro Massimo di Palermu comu protagunista di “Ellis Island”, òpira musicali chê mùsichi di Giovanni Sollima e câ reggìa di Marco Baliani. Nnô 2003 torna a cantari n talianu, ripruponi cu dilicatizza la famusìssima “Almeno tu nell’universo” di Mia Martini, tema principali dô film “Ricordati di me” di Gabriele Muccino.

Dô 2004 n poi

Nnâ primavera 2004 Elisa parti pi Los Angeles, p'accuminciari lu travagghiu di studiu cô famusìssimu prudutturi amiricanu Glen Ballard, cuu cui idda avìa sempri sugnatu di cullaburari. Lu risultatu è lu novu ciddì “Pearl days” ca nesci lu 15 Uttùviru anticipatu di “Together”, canzuna accumpagnata dô vìdiu pruvucatoriu e cu nu missaggiu d'allerta nnê cunfronti dô putiri e dê sordi.

Lu 15 Aprili 2005 , “Pearl Days” veni ristampatu câ canzuna “Una poesia anche per te”, rivisitazzioni taliana di “Life goes on”. A Giugnu nveci fa nu duettu câ ligginnaria Tina Turner, la canzuna “Teach me again”, nun sulu veni scritta di Elisa, ma veni macari prudotta di idda stissa p'addivintari la culonna sunora dô film “All the invisible children”, ca parra dê dritti viulati dê picciriddi.

Lu 17 Nuvèmmiru 2006 nesci “Soundtrack ’96-’06”, raccolta dê megghiu canzuni dê sò 10 anni di carrera, cu 4 brani nèditi tra cui “Gli Ostacoli del cuore” scrittu di Luciano Ligabue e macari “Eppure sentire”, la culonna sunora dô film “Manuale d’amore 2 – Capitoli Successivi”.

La discografìa

Li disca

• 1997 - Pipes & Flowers (Tubbi & Ciuri)
• 2000 - Asile’s World (Lu Munnu di Asile)
• 2001 - Then Comes The Sun (Appoi Veni Lu Suli)
• 2002 - Elisa
• 2003 - Lotus
• 2004 - Pearl Days (Jorna Di Perli)
• 2006 - Soundtrack ’96-’06 – Greatest Hits (Li cchiù muntuati)

Li sìnguli

• Da Pipes & Flowes
  • Sleeping In Your Hand (Durmennu nnâ tò manu)
  • Labyrinth (Labbirintu)
  • Mr. Want (Lu signò Vogghiu)
  • Cure me (Cùrimi)

• Da Asile’s world:
  • Gift (Rialu)
  • Gift (the remixes)
  • Happiness Is Home (La filicità è â casa)
  • Happiness Is Home (the remixes)
  • Asile’s World
  • Luce (Tramonti A Nord – Est) – Luci (Tramunti a Nord-Est)

• Da Then Comes The Sun
  • Rainbow (Arcubbalenu)
  • Time (Tempu)

• Da Elisa:
  • Come Speak to me (Veni a parràrimi)

• Da Lotus:
  • Broken (Ruttu)

• Da Pearl Days:
  • Together (sulu on-line) (Nzèmmula)
  • Una poesia anche per te (Na puisìa macari pi tia)

La videografìa

• Da Pipes & Flowers:
  • Sleeping In Your Hand
  • Labyrinth (Dui virsioni)
  • A Feast For Me (Na festa pi mia)
  • Cure me

• Da Asile’s World:
  • Gift
  • Asile’s World
  • Luce (Tramonti A Nord – Est) (dui virsioni)
  • Come speak to me

• Da Then Comes The Sun:
  • Heaven Out Of Hell (Dô nfernu ô paradisu)
  • Rainbow
  • Dancing (Abballannu)

• Dâ culonna sunora dô film “Ricordati Di Me” di Gabriele Muccino

Almeno Tu Nell’Universo (Armenu tu nna l'universu)

• Da Lotus:
  • Broken
  • Electricity (Elittricità)

• Da Pearl Days:
  • Together
  • The Waves (L'unni)
  • Una Poesia Anche Per Te

• Dâ culonna sunora dô film “Melissa P.” di Luca Guadagnino

Swan (Cignu)

• Dâ culonna sunora dô film “All The Invisible Children”, di riggisti vari.

Teach Me Again (Mparàmillu n'àutra vota)

• Da Soundtrack ’96-’06 – Greatest Hits:
  • Gli Ostacoli Del Cuore (L'ustàculi dô cori)
  • Eppure Sentire (Macari sèntiri – culonna sunora dô film “Manuale D’Amore 2 – Capitoli Successivi di Giovanni Veronesi)

Li turné di Elisa

• Pipes & Flowers Tour (1998)
• Asile’s World Tour (2000/2001)
• Then Comes The Sun Tour (2001/2002)
• Elisa tour (2002/2003)
• Lotus Tour (2003/2004)
• Pearl Days Tour (2004)
• Lotus & Pearl Days Tour (2005)
• Soundtrack ’96-’06 Tour (2007/2008)
• Caterpillar/Dancing tour (2008)

Li premi vinciuti

• nnô 1998
  • Premio Tenco
    • La megghiu rivilazzioni taliana
  • P.I.M. Premiu Italianu dâ Mùsica
    • la megghiu rivilazzioni taliana

• nnô 2001
  • 51° Festival di Sanremo
    • 1° Premio per “Luce (tramonti a nord est)”
    • la megghiu ntèrpriti
    • premiu dâ Crìtica “Mia Martini”
    • premiu Radio/Tv Private
  • MTV - European Music Awards
    • la megghiu artista italiana
  • Italian Music Awards
    • la megghiu artista fimminili
    • lu megghiu sìngulu: Luce (tramonti a nord est)
    • la megghiu cumpusizzioni musicali: Luce (tramonti a nord est)

• no’ 2002
  • P.I.M. Premiu Italianu dâ Mùsica:
    • la megghiu artista fimminili
    • lu megghiu sìngulu: Luce (tramonti a nord est)

• nnô 2004
  • M.E.I. Meeting delle Etichette Indipendenti
    • lu megghiu video di cuntaminazzioni artìstica: Together

• nnô 2005
  • XIII Tributo ad Augusto D’Aolio pi lu mpegnu cu l'assuciazzioni ECPAT(End Child Prostitution, Pornography and Traffiking)
  • Premio Lunezia Autrice dell’Anno pô valuri musical-littirariu dô branu Una poesia anche per te
  • P.V.I. Premio Videoclip Italiano
    • lu megghiu vìdiu di l'annu nnâ catigurìa donna: Una poesia anche per te - Elisa

• nnô 2006
  • Premio Anima pâ mùsica a canzuna "Teach Me Again", a culonna sunora dô film All The Invisible Children
  • Premio per la Pace, assignatu a l'artisti mpignati nnâ sulidarietà e nnê pruggetti umanitari

Liami sterni

• Situ ufficiali
• Funclub di Elisa
• Forum supra Elisa