Staying Power

Staying Power
Artista:	Queen
Tipu album:	7" sìngulu
Data dâ nisciuta:	31 di giugnettu 1982
Durata:	4 min 10 s
Album di pruvinenza:	Hot Space
Gèniri:	Funk Pop Mùsica alittrònica
Prudutturi:	Roy Thomas Baker, Queen
Noti:	Pubblicatu comu double a-side nzemi a Back Chat
Cumpusituri:	Freddie Mercury
Casa discugràfica:	EMI (UK) Elektra (USA)
Singulu pricidenti:	Calling All Girls
Singulu succissivu:	Back Chat

Staying Power è na canzuna dû gruppu ngrisi li Queen e scritta di Freddie Mercury, ca fa parti di l'album Hot Space dû 1982. Vinni pubbricata comu sìngulu lu 31 di giugnettu 1982.

La canzuna

Staying Power è lu primu branu dû nonu discu dî Queen, Hot Space. Fu scrittu dû cantanti Freddie Mercury. Sta canzuna è l'ùnica canzuna dû gruppu unni sunnu prisenti li flauti, sunati diArif Mardin. La canzuna è signata di nu stili funk ca ncumenza 'n re minuri mudulatu 'n mi minuri pi tutta la canzuna. John Deacon nun sona lu so bassu nna sta canzuna, ma na chitarra rittìmica, na Fender Telecaster. Roger Taylor sunò nu LM-1 pi sta canzuna, mentri Brian May sunò la so Red Special. 'N na rivisioni di Stylus Magazine, lu crìticu Antonio Miccio discrivìu lu stili dâ canzuna comu: “Na traccia lettru-discu frinèticu”. La canzuna vinni pubbricata comu sìngulu sulu 'n Giappuni e nnî Stati Uniti.

Spittàculi live

Sta canzuna fu sunata 'n tuttu l'Hot Space Tour e 'n parti puru nnô The Works Tour. La virsioni live di Staying Power è anticchia diversa rispettu â virsioni di l'album. Morgan Fisher canciò li parti dâ tastera “Oberheim” cu na Roland Jupiter 8. Roger Taylor canciò a battirìa clàssica cu na battirìa acùstica. Sta canzuna è puru l'ùnica unni Deacon sona la chitarra rittìmica duranti li spittàculi live. Cu l'alittrònica prisenti 'n parti na virsioni live, lu branu si trasforma 'n nu funk rock chiuttosto ca 'n na canzuna rock cu nfruenzi discu. La virsioni live è prisenti ntô Greatest Video Hits 2.