The Miracle (canzuna)
| The Miracle | ||
|---|---|---|
| Artista: | Queen | |
| Tipu album: | 7"e 12" sìngulu, cassetta, CD | |
| Data dâ nisciuta: | 27 di nuvèmmiru 1989 | |
| Durata: | 5 min 03 s | |
| Album di pruvinenza: | The Miracle | |
| Gèniri: | Pop rock | |
| Prudutturi: | Queen, David Richards | |
| Noti: | Pubblicatu comu double a-side nzemi a Stone Cold Crazy #20 (Ulanna) #21 (Regnu Unitu) | |
| Cumpusituri: | Freddie Mercury | |
| Casa discugràfica: | EMI (UK) Parlophone (USA) | |
| Singulu pricidenti: | Scandal | |
| Singulu succissivu: | Innuendo | |
| « Cridu ca è unu di picca brani 'n cui nuàutri travagghiammu nzemi. È la cchiù “vicina” ca scrìssimu. Prima di The Miracle fìcimu nzemi quarchi sìngulu, ma mai comu oggi, mìsimu lu megghiu di nuàutri ntâ sta canzuna » | |
The Miracle è na canzuna dî Queen, scritta di Freddie Mercury e pubbricata comu quintu sìngulu nnô discu The Miracle dû 1989. Fu pubbricata 'n virsioni sìngulu, cu la b-side Stone Cold Crazy, nnô 27 di nuvèmmiru dû 1989. La canzuna fu scritta di tutti e 4 dî cumpunenti dû gruppu, ma la majuri parti dû travagghiu fu fatta di Mercury, ca succissivamenti dissi d'amari sta canzuna, comu dissi puru Brian May.
La canzuna
cancia| « «...ci fu quarchi nica magia, comu lu branu The Miracle, ca forsi è una di criazzioni cchiù beddi di Freddie. Amu sta canzuna, havi na visioni uttimista dû munnu e dî miràculi ca cci sunnu, è ncridìbbili quannu si penza ca li cosi stàvanu jennu ô cuntrariu, sapìa di zoccu stava suffrennu... e canuscìa la prognosi.» » | |
Mercury accuminciò a scrìviri la canzuna doppu ca iddu e John Deacon fìciru quarchi accordu dicidennu quali tema usari. Tutti e quattru dî cumpunenti dû gruppu fìciru parti dû travagghiu e dâ criazzioni dû testu. La canzuna vinni accridditata a tutti e 4 duranti la fasi di riggistrazzioni di l'album, a priscìnniri di cu fussi lu scritturi dâ canzuna. La canzuna parra di arcuni dî “criazzioni di Diu, nichi o granni”, comu asempiu granni palazzi comu lu Taj Mahal o la Turri di Babbeli, tutti discritti comu “miràculi” dâ canzuna. La canzuna parra puru di Capitanu Cook, Cainu e Abele e Jimi Hendrix.
Vidiu clip
canciaLu vidiu musicali dâ canzuna, riggistratu lu 23 di nuvèmmiru 1989 di li Torpedo Twins, prisenta quattru picciriddi; Paul Howard comu Brian May, James Currie comu John Deacon, Adam Gladdish comu Roger Taylor e Ross McCall comu Freddie Mercury, ca si prisèntanu comu li Queen. Duranti lu vidiu, McCall cumpari vistutu 'n quattru diversi pirìudi di Freddie; l'anni 70 (capiddi longhi e tuta a scacchi), primi anni 80 (baffu, giacca e pantaloni di peddi niuru), 1985 (jeans blè e canuttiera, a tinuta dû Live Aid) e lu Magic Tour dû 1986 (a bunaca di peddi giacca, pantaloni janchi cu strisci russi e scarpi spurtivi). Li veri cumpunenti dû gruppu si vìdinu sulu â fini dû vidiu.