Palermo Football Club

Lu Palermu Football Club ( Palermo Football Club n italianu), o cchiù simpricimenti Palermo FC è una squatra di palluni.

Palermo FC
Rusaniuru Àculi Rusaniuru
Culura e simboli
Divise 　 tìtulu 　 tìtulu 　 tìtulu
Culura	rusa, niuru
Simboli	Àcula
Dati di la sucitati
Paìsi	Palermo
Confidirazzioni	UEFA
Fidirazzioni	FIGC
Lia	Serie B
Funnatu	1900
Rifunnatu	2019
Prupietariu	Hera Hora S.r.l
Prisidenti	Dario Mirri
Allenaturi	Eugenio Corini
Campu	Stadiu Renzo Barbera (36,365 posti)
Sito web	www.palermofc.com

Storia

Di l'urìggini a la prumozzioni n seria A

La prima squatra di palluni ca rapprisintò la citati siciliana di Palermu, nascìu ntô 1900 pi gana di Majo Pagano, nu picciottu burgisi c'avìa canusciutu lu sport dû palluni n Inghirterra. Sulu ntô 1907 scigghìu li cèlibbri culura suciali rosa e nìuru.

Ntô 1920 la squatra cû nomu di Palermo Football Club cunquistò lu primu titulu ntô campiunatu sicilianu fidirali unni si cuntistò videmma li squatri di Catania e Missina. L'annu doppu arriniscìu a tràsiri nnâ lija sud dâ fidirazzioni caucistica ma ccà 'un vincìu nuddu tìtulu. Lu Palermu agghicò ntô 1926 ntû primu campiunatu di divisioni nazziunali, ma si cci arritirò pû fattu di prubbremi finanzari.

Ntô 1930 trasìu n Seria B e ntô 1932 acchianò ntâ Seria A pâ prima vota. Ntû stissu annu vinìu nauguratu lu stadiu di La Favurita.

La squatra ricunquistò l'avanzamentu ntî la Seria A ntô campiunatu dû 2003-04 dâ Seria B, doppu 31 anni, pi stàricci nzinu â stasciuni 2012/2013. Nu jucaturi sîmmulu di stu piriudu di splinnuri fu l'attaccanti, Luca Toni ca signò 30 gol e ca appoi partìu ntî âutri squatri.

Staciuni 2004-2005

La sucitati vinìu diriggiuta di Maurizio Zamparini, ca arriniscìu a miscari jucatura di fama e juvani prumittenti ca già facìanu parti dâ nazziunali di cauciu taliana. Pi ssu mutivu lu Palermu è ntra li dui-tri squatri taliani ca cuncèdinu cchiù jucatura â nazziunali. La squatra si classificò 6^ e si qualificò pâ prima vota dâ sò storia n Coppa Uefa.

Staciuni 2005-06

Ntâ staciuni succissiva Luiggi Del Neri pigghiò lu postu di Guidolin. Lu mircatu estìu è carattirizzatu dâ dulurusa partenza dû cintravanti Luca Toni, vinnutu a la Fiorentina pi 10 miliuna di euri, nunstanti la pricidenti dichiarazzioni dû prisidenti Zamparini "Toni a meno di 15 milioni di euro non lo vendo". Câ magghia viola Toni signò nu tutali di 31 riti, vincennu lu trufeu "Scarpa d'Oro", e agghicannu ô Munniali di Girmania 2006 câ magghia di titulari ntê spaddi.
Duranti lu campiunatu Zamparini canciò allinaturi pigghiannu a Giuseppe Papadopulo, tècnicu tuscanu ex allinaturi dâ Lazziu, e lu Palermu accabbò la staciuni cu n'uttavu postu finali. Doppu dâ sintenza finali dâ giustizzia spurtiva, st'uttavu postu addiventò nu quintu postu. Pi quantu sparti li Coppi, ntâ staciuni 2005-2006 lu Palermu agghicò a la simifinali dâ Coppa Italia, unni la Roma l'aliminò, e a l'uttavi di finali dâ Coppa Uefa, aliminatu pi manu dû Schalke 04.

Strutturi

Stadiu

U Palermu joca i so partite interne allu Stadiu La Favurita di Palermu, ca appartieni da sempri au Comune. Lu stàdiu vinni nauguratu lu 24 di jinnaru dû 1932, a scànciu dû stòricu stàdiu ca c'era apprima, lu Stàdiu Ranchibile; la prima partita jucata fu tra Palermu e l'Atalanta e vincìu lu Palermu pi 5 a 1, doppu di chistu lu Palermu ivu 'n sèrii A pâ prima vota.

Sucitati

Sponsor

Crunuluggìa di li sponsor tècnici

• 1977-1979 N2
• 1979-1980 Pouchain
• 1981-1989 Ennedue
• 1989-1990 Hummel
• 1990-1996 ABM
• 1996-1999 Kappa
• 1999-2000 Kronos
• 2000-2010 Lotto
• 2010-2012 Legea
• 2012-2014 Puma
• 2014-2017 Joma

Crunuluggìa di li sponsor ufficiali

• 1981-1982 Vini Corvo
• 1983-1984 Pasta Ferrara
• 1985-1986 Juculano
• 1987-1991 Città di Palermo
• 1991-1992 Sèleco
• 1992-1993 Giornale di Sicilia
• 1993-1994 Toka
• 1994-1996 Provincia Regionale di Palermo
• 1996-1997 Giornale di Sicilia
• 1997-1998 Tomarchio Naturà
• 1998-1999 Palermo Provincia Turistica
• 1999-2000 Tele+
• 2000-2001 Alitalia
• 2001-2002 LTS
• 2002-2006 Provincia di Palermo
• 2006-2007 Mandi - Gruppo Zamparini
• 2007-2008 Nessuno, appoi Pramac
• 2008-2009 Nessuno, appoi BetShop Italia
• 2009-2010 BetShop Italia, poi Eurobet-Scommesse Sportive
• 2010-2011 Eurobet-Scommesse Sportive
• 2011-2012 Eurobet-Scommesse Sportive
  dô 18 di nuvìmmiru 2011 videmma Burger King
• 2012-2013 Eurobet-Scommesse Sportive
  dô 27 di nuvìmmiru 2012 videmma Italiacom
• 2013-2014 palermocalcio.it e Sigma
• 2014-2015 Rosanero Cares e CBM SPORT

Jucatura

Granni jucatura dû passatu

• Cestmir Vycpalek (1947-1952)
• Lennart Skoglund (1962-1963)
• Gaetano Troja (1964-1966)(1968-1973)
• Franco Causio (1969-1970)
• Luca Toni (2003-2005)
• Eugenio Corini (2003-2007)
• Amauri (2006-2008)
• Simon Kjær (2008-2010)
• Javier Pastore (2009-2011)
• Paulo Dybala (2012-2015)

Li campiuna dû Munnu 2006

• Andrea Barzagli (2006)
• Cristian Zaccardo (2006)
• Simone Barone (2006)
• Fabio Grosso (2006)

Partiggianarìa

Li partiggiani dû Palermu sunnu giamiddati chî tifosi dû Lecci. D'arcuni anni a sta banna, cc'è na rivalitati ntra li tifusi dû Paliemmu e chiddi dâ Fiorentina: cuntrasti nati n prima battuta picchì li dui sucitati pi nu piriudu hannu pirsicutu li stissi stratiggìi di mircatu (p'asempiu: lu trasfirimentu ri l'attaccanti Luca Toni râ sucità siciliana a chidda tuscana) e doppu l'acchianata di la Fiorentina n seria B "per meriti sportivi" tantu ustiggiata di la dirigenza palirmitana.

Ma la lotta cchiù annanfanti e storica è chidda ntra li rusanìuru e lu Catania. Nnâ terza partita dâ staciuni di 2006-07, lu Palermu battìu lu Catania 5-3, doppu 42 anni ca mancava ssu derby di la seria A.

Jucatura 2022/2023

Allinaturi
Eugenio Corini

Lijami di fora

Nta Commons s'attròvanu àutri mmàggini rilativi a Palermo Football Club.

• (IT) Situ Ufficiali
• (IT) Situ di Stadionews 24
• (IT) Situ di Mediagol, jurnali online supra lu Palermu
• (IT) (SCN) Forum di Tifusi
• (IT) (SCN) Siti di Tifusi
• (IT) (SCN) Siti di Tifusi
• (IT) (SCN) Situ umurìsticu di Tifusi

Seria A 2023-2024

Atalanta - Bologna - Cagliari - Empoli - Fiorentina - Frusinuni - Genoa - Inter - Juventus Lazio - Lecce - Milan - Monza - Napoli - Roma - Salernitana - Sassuolo - Torinu - Udinese - Verona

Cauciu - Nazziunali taliana - Arbu d'oru Campiunatu di Seria A