Arricanuscimentu dâ lingua siciliana
La lingua siciliana, parrata di na dicina di miliuna di pirsuni ntô munnu nun è ricanusciuta di nuddu. Lu cuvèrnu italianu nun arricanusci lu sicilianu comu lingua e lu cuvernu riggiunali sicilianu havi na pusizzioni chi pir ora è favurèvuli sulu ntô principiu.
La storia
cancia- Versu lu 2000, Lu Parramentu riggiunali sicilianu facìa na liggi pû nzignamentu dû sicilianu nta tutti li scoli di l'ìsula, ma l’avanzati ntô sistema aducativu hannu statu assai adaciati chî menzi fracchechi.
- Poi ntô 2006, chiossai dû 92% dî scoli siciliani di primu e secunnu gradu addumànnanu cchiù spazziu pi nzignamenti di caràttiri sicilianu (lingua siciliana, tradizzioni pupulari, storia, eccetra, di Sicilia). Chissu è lu risurtatu di na ricerca fatta di l'IRRE nta 300 scoli siciliani.
- Ntô misi di dicèmmiru di lu 2006, lu partitu pulìticu sicilianu L'Altra Sicilia, nzèmmula a àutri suggetti c'hannu adirutu â nizziativa, havi lanzatu un pruggettu di liggi di nizziativa pupulari pâ difisa dâ lingua tradizziunali dî siciliani, la Lingua siciliana. Lu pruggettu di ssi cristiani, si basa supra la ntroduzzioni di lu Sicilianu e d'àutri "materi" di civirtati siciliana (storia, littiratura, triatru, ecc.) ntê scoli siciliani, supra lu bilinguismu (ntê ducumenti pùbbrici, ntê nzegni, ntê nnicazzioni stratali), supra la criazzioni di na radiu-tv autenticamenti siciliana. Iddi cògghinu li 10.000 firmi pi strata, tra muvimenti e assuciazzioni a iddi vicini, ntâ Sicilia e a l'èstiru e cunfìdanu chinamenti ntô successu di l'opirazzioni, pirchì sunnu cunvinti ca quantu cchiù sunnu li firmi, tantu cchiù la diputazzioni a Palazzu Riali nun poti gnuràrinni lu missaggiu.
Liami nterni
canciaLijami di fora
cancia- Laltrasicilia.org: Pruggettu linguìsticu di L'Altra Sicilia: pi lu bilinguismu ufficiali 'n Sicilia
- Orizzontescuola.it: Secunnu l'IRRE, 93% dî scoli siciliani vonnu nzignari la lingua siciliana
- Storia dâ lingua siciliana
- Lingui siciliani prima dî nurmanni
- Brevi Grammàtica Siciliana
- Alfabbetu sicilianu
- Tiurìa dî soni di Pitrè
- Metafunìa
- Vucali mòbbili
- Vucali ncerti
- Ortografìa siciliana
- Lingua siciliana e lingua taliana
- Lingua suvradialittali
- Gruppu sicilianu
- Gallu-sìculu
- Arricanuscimentu dâ lingua siciliana
- Tàvula crunulòggica di scritti antichi 'n sicilianu
- Accademia Siciliana
- Vucabbulariu