Bommegna 1felco ntâ Wikipedia scrivuta n sicilianu!

La lingua siciliana veni parrata ntô munnu di ammeri 10 miliuna di pirsuni sparsi pi mitati n Sicilia, e l'àutra mitati n Calàbbria, ntô Salentu e ntô Cilentu e dî cumunitati di l'emigrati siciliani. Macari nun lu sai, ntonzi t'avemu a diri ca chiddu ca nuàutri siciliani chiamamu cumunimenti "U dialettu" (cu lu talianu comu lingua di rifirimentu), è na lingua vera e arricanusciuta di vari urganizzazzioni ntirnazziunali:

È na viritati scintìfica: lu sicilianu è na lingua comu qualegghiè àutra lingua: lu francisi, lu catalanu, lu talianu, lu corsu, ecc.

Nuàutri siciliani avemu a canciari lu nostru modu di vìdiri la nostra cultura e la nostra lingua.

Lu sicilianu è na lingua eurupea assai antica comu l'addimustra lu testu n lingua siciliana "Pir meu cori alligrari" ca fu scrivutu di Stèfanu Protunutaru (nu pueta dâ Scola siciliana) ntra lu 1230 e lu 1250, zoè quannu lu sicilianu era la lingua ufficiali dâ Sicilia.

Siddu voi cuntribbuiri ti cunzigghiamu di taliari lu nostru Cumpenniu stilìsticu e la nostra Grammàtica.

Bonu travagghiu e bon'arricriata.

Salutamu! :-)

--Peppi 11:43, 22 nuv 2011 (CET)

Nun c'è nu mudellu di pàggina, effittivamenti. C'è pirò na grammatica (menù a manu manca), nu Cumpenniu stilisticu e puru n'ortografia siciliana, e spissu na parola pò aviri diversi maneri di essiri scritta, pirchì puru li dizziunari storici ca esistunu supra google books, mintuvìanu diversi maneri di scriviri li paroli. comunqui lu spiritu di sta wiki è assai lìbbiru. A menu di nun arrispittari di manera paltiali li picca reguli ca su fissati ntâ grammatica e ntô cumpenniu stilisticu, na vuci nun rischia canciamenti drastici di àutri utilizzatura. --Peppi 21:30, 22 nuv 2011 (CET)