Misondesto

Binvinutu/a ntâ Wikipedia scrivuta n sicilianu Misondesto! La lingua siciliana veni parrata ntô munnu di ammeri 10 miliuna di pirsuni sparsi pi mitati 'n Sicilia, e l'àutra mitati 'n Calàbbria, ntô Salentu e ntô Cilentu e dî cumunitati di l'emigrati siciliani. Macari nun lu sai, ntonzi t'avemu a diri ca chiddu ca nuàutri siciliani chiamamu cumunimenti "U dialettu" (cu lu talianu comu lingua di rifirimentu), è na lingua vera e arricanusciuta di vari urganizzazzioni ntirnazziunali: l'Unioni Europea nta la sò Carta eurupea dî lingui riggiunali o minuritari l'UNESCO (zoè li Nazzioni Uniti) nta lu sò Libbru Russu dî lingui n pirìculu l'Urganizzazzioni Ntirnazziunali pi li Standardizzazzioni (ISO): "ISO 639-2 scn" e "ISO 639-3 scn" (còdici linguìstici dû sicilianu) lu SIL International attraversu l'Ethnologue. È na viritati scintìfica: lu sicilianu è na lingua comu qual'egghiè àutra lingua: lu francisi, lu catalanu, lu talianu, lu corsu, ecc. Nuàutri siciliani avemu a canciari lu nostru modu di vìdiri la nostra cultura e la nostra lingua. Lu sicilianu è na lingua eurupea assai antica comu l'addimustra lu testu n lingua siciliana "Pir meu cori alligrari" ca fu scrivutu di Stèfanu Protunutaru (nu pueta dâ Scola siciliana) ntra lu 1230 e lu 1250, zoè quannu lu sicilianu era la lingua ufficiali dâ Sicilia. Siddu voi cuntribbuiri ti cunzigghiamu di taliari lu nostru Cumpenniu stilìsticu e la nostra Grammàtica. Bonu travagghiu e bon'arricriata. Salutamu! :-)

--Santu (msg) 21:45, 14 Maiu 2009 (CEST)

Salutamu Misondesto ! Vitti ca ncuminciasti a mintìricci quarchi cuntribbutu ccà Crìtica littiraria e l'argumentu di l'artìculu mi pari ntirissanti. Cumprimenti. Liggeva nti la tò pàggina ca si un sicilianu ca studìa a Trentu, ma di quali banna di la Sicilia si ? Fanni sapiri quarchi àutra cosa supra a tia ! Salutamu e bona addivittuta. --Santu (msg) 22:10, 17 Maiu 2009 (CEST)

Ciau. Binvinutu macari di parti mia. Iu sugnu puru Rausanu (dâ pruvincia), ma vivu e travagghiu â Svizzira. Accuminza a cuntribbuiri â nostra wiki (chi è macari la tua), e addivertiti. --Peppi 16:18, 18 Maiu 2009 (CEST)

La tò firma

Salutamu ! Mi pirmettu di dàriti quarchi cunsigghiu, datusi ca ancora si novu dâ wikipedia: quannu si scrivi nta na pàggina di discussioni di n'artìculu, oppuru di n'àutru utenti, usamu mintìricci la nostra firma, accuddì si pò capiri megghiu cui è ca scrivìu. P'asèmpiu, comu putisti taliari tu stissu, iù e Peppi ntô salutu ca ti mannamu ntâ tò pàggina di discussioni cci mìsimu la nostra firma. E comu si fa ? Talia sta mmàggini (ca è chidda ca ti cumpari quannu fai li canci).

La firma si metti muncennu unni ammustra la prima fileccia russa nti l'àutu e ti cumpari lu disegnu ammustratu di la secunna filèccia: chissa è la tò firma. Salutamu. --Santu (msg) 21:17, 18 Maiu 2009 (CEST)

V'arringraziu ppâ pricisazioni, aora a firma cilla miettu.--Misondesto (msg) 18:00, 19 Maiu 2009 (CEST)