Francia

La Francia (oppuru Franza), ufficiarmenti République Française, è na ripùbbrica auropea di circa 64 miliuna d'abbitanti (cifra di jinnaru 2008). La capitali, Pariggi havi 12 miliuna d'abbitanti.

Giografìa

La Franza, havi na forma asagunali, e pi chistu è diciuta macari L'Asagonu. Li so' cunfini a sud ovest sunnu li Pirinei, ca fannu di fruntera naturali cu Spagna e Andorra; a sud est cunfina cu lu Mari Meditirràniu; a est havi l'Alpi e lu Giura comu fruntera cu l'Italia e la Svìzzira; a nord-est cunfina cû Belgiu, lu Lussimburgu e la Girmania; a nord cu lu canali di la Mànica, e a ovest havi l'Ocèanu Atlànticu.

Lu tirritoriu francisi cumprenni puru la Còrsica, e diversi àutri tirritori sparsi ntô munnu. Amministrativamenti la Francia si sparti ntî 22 riggiuni, e ognuna dî riggiuni francisi è spartuta ntî dipartimenta. Certuni dî tirritoria sparsi ntô munnu hannu lu status di Dipartimenta d'Oltrimari e àutri simplicimenti di Tirritoria d'Oltrimari.

Storia

Ô primu sèculu a.C., lu tirritoriu francisi era abbitatu di tribbù di Galli, contra cui Giuliu Cèsari appi a cummàttiri ntâ sò òpira di spanzioni rumana. Sutta lu mpiru rumanu, la Gallia fu prima rumanizzata. Cu li nvasioni bàrbari, lu pòpulu dî Franchi subbintrau ê rumani, mittennu li basi di chidda ca fu pi sèculi na munarchìa. La munarchìa agghicau a lu splinnuri màssimu sutta lu regnu di Luiggi XIV. Cu la rivuluzzioni francisi, l'idei ripubbricani hannu avanzatu e la munarchìa s'avìa altirnatu cu la ripùbbrica. Doppu la Secunna Guerra Munniali, la Francia è na ripùbbrica prisidinziali. La custituzzioni dû 1958 è la basi di l'attuali riggimi prisidinziali ca va sutta lu nomu di quinta ripùbbrica.

Citati mpurtanti

Francisi cèlibbri

Talìa puru

Francia · Riggiuna

Alsazzia (Alsace) · Auta Nurmannia (Haute-Normandie) · Aquitania (Aquitaine) · Alvernia (Auvergne) · Vascia Nurmannia (Basse-Normandie) · Burgogna (Bourgogne) · Britagna (Bretagne) · Centru (Centre) · Champagne-Ardenne · Còrsica (Corse) · Franca Cuntìa (Franche-Comté) · Île-de-France · Linguadoca-Russigghiuni (Languedoc-Roussillon) · Limusinu (Limousin) · Lurena (Lorraine) · Midi-Pirenei · Nord-Passu di Calais · Paisi dâ Loira (Pays de la Loire) · Picardia (Picardie) · Poitou-Charentes · Pruvenza-Alpi-Costa Azzola (Provence-Alpes-Côte d'Azur) · Rudanu-Alpi (Rhône-Alpes)

Dabbanna lu mari

Dipartimenta di dabbanna lu mari (dipartimentu francisi): 971 Guadalupa (Guadeloupe) (con Saint-Barthélemy e Saint Martin) · 972 Martinica (Martinique) · 973 Guyana Francisa (Guyane) · 974 Réunion

Cullittività tirrituriali di dabbanna lu mari: 975 Saint-Pierre e Miquelon · 985 Mayotte (cullittività dipartimintali) · 986 Wallis e Futuna · 987 Polinesia Francisa (paisi d'oltri mari)

Statutu particulari : 988 Nova Caledonia (Nouvelle-Calédonie)

Tirritorî senza pupulazzioni pirmanenti: 984 Tirritorî francesi miridiunali (TAAF) · Ìsula Clipperton · Ìsuli sparsi nna l'Ocèanu Innianu

Paisi dû Munnu | Europa