Giluni
(Rinnirizzata di Giluni I)
Giluni (~540 a.C. - 478 a.C.) fu nu tirannu di Gela e appressu di Saragusa, duranti l'èbbica greca dâ Sicilia. Cumannanti dâ cavaḍḍarìa sutta u tirannu di Gela, Ippocrati, addivintau u tuturi dî so figghi versu u 490, ma usurpau a tirannìa pi trajìrinni vantaggiu pirsunali. Nnô 485 cunquistau Saragusa e si trasfirìu ḍḍà, lassannu so frati Jeruni a cumannari a Gela. Sutta â so tirannìa, Saragusa addivintau a putenza ellinìstica duminanti di l'èbbica. I greci ci addumannaru na manu contra â Persia, ma disistèttiru quannu Giluni mpusi comu cunnizziuni u cumannu supremu.
.JPG){kind=small}