Crazy Little Thing Called Love
| Crazy Little Thing Called Love | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 5 di uttuviru 1979 | |
| Durata: | 2 min 42 s | |
| Album di pruvinenza: | The Game | |
| Gèniri: | Rockabilly | |
| Prudutturi: | Queen, Reinhold Mack | |
| Noti: | #1 (Australia, Canadà, Mèssico, Ulanna, Nova Zilanna, USA) #2 (Irlanda, Regnu Unitu) #5 (Svìzzira) #9 (Austria) #13 (Girmania) #64 (Giappuni) | |
| Cumpusituri: | Freddie Mercury | |
| Casa discugràfica: | EMI (UK) Elektra (USA) | |
| Singulu pricidenti: | We Will Rock You, "Let Me Entertain You", Love of My Life, Now I'm Here | |
| Singulu succissivu: | Save Me, "Let Me Entertain You" | |
| « «Freddie scrivìu la canzuna ntô bagnu 'n 10 minuti.» » | |
Crazy Little Thing Called Love è na canzuna dî Queen, scritta di Freddie Mercury e pubbricata nnô primu discu di l'anni uttanta, The Game.
La canzuna arrivau ô primu postu di classìfichi di tanti nazzioni tra cui Australia pi setti simani, Stati Uniti pi quattru simani e Canadà pi dui simani. 'N àutri paisi arrivau prima 'n Ulanna e Mèssicu, secunna 'n Nova Zilanna e Regnu Unitu, quinta 'n Svìzzira, ottava 'n Norveggia e nona 'n Austria.
La canzuna
cancia| « «dissi: “passami la chitarra”, s'assittau nnô divanu e accuminzau cu l'accordi di Crazy Little Thing, poi dissi “cci dica ca staiu arrivannu e ca vogghiu jiri sùbbutu 'n studiu”.» » | |
(Peter "Ratty" Hince)
|
Comu dittu 'n na ntirvista dû 1981, Freddie Mercury cci misi sulu 10 minuti a criari l'accordi (nna sta canzuna lu cantanti sona puru la chitarra). Cchiù pricisamenti, comu vinni raccuntatu di Peter Hince nnô so situ (Peter era lu “Roadie” dû gruppu), 'n na cauda jurnata estiva dû 1979, si truvava 'n na càmmira d'albergu a Mònacu, doppu èssiri arrivatu di picca cu nu volu di Londra nzemi a Mercury; lu cantanti mentri cantava ntâ vasca di bagnu, a nu certu puntu iddu dissi lu nomu di tri accordi e dissi a Peter di pigghiari la chitarra acùstica, niscìu dâ vasca e accuminzau a sunari pi picca di tri accordi ca addivintaru lu bullu distintivu dâ canzuna. Doppu picca li dui arrivaru nnî MusicLand Studios di Mònacu, unni Mercury si juncìu ô restu dû gruppu pi parrari di la so idea musicali. Lu gruppu cci nni vulìa sulu 30 minuti pi riggistrari la canzuna picchì Mercury purtau l'arrangiamenti pi tutti li cumpunenti dû gruppu.
Vidiu e spittàculi live
canciaNnô vidiu dâ canzuna May sona na Fender Telecaster nìura, mentri Mercury si vidi cantannu sulamenti. 'N rialtà Mercury riggistrau la canzuna sunannu la chitarra acùstica Martin D-18.
La canzuna fu sunata dî Queen pi la prima vota nnô Crazy Tour dû nuvèmmiru 1979. Mercury era sulu jiri nnô palcu cu la so chitarra acùstica Ovation a 12 cordi. Lu pùbblicu pinzava fussi nu scherzu picchì Freddie nun era canusciutu comu chitarrista (iddu era sulu e dissi prima dâ canzuna la frasi: “Sacciu sunari sulu tri accordi câ chitarra”).
Nna li spittàculi Crazy Little Thing Called Love era na parti mpurtanti dû spittàculu. May di sòlitu sunava tri chitarri diversi duranti la canzuna: la prima strofa era sunata sulu di Mercury cu la so chitarra, poi si juncìa May cu la so Ovation; prima dâ quarta strofa, May canciava chitarra e sunava cu la Telecaster nìura, la quali sunava puru l'assolu. Duranti la strofa “nun sunata” (famusa pâ frasi “Ready Freddie?”), May canciava arreri la chitarra pigghiannu la so Red Special. Di lu 1984 (The Works Tour, Mercury sunava na Telecaster janca ô postu di l'Ovation.
Cover
cancia- Michael Bublé cantau ntô 2003 na famusa cover di sta canzuna.
- Josh Kelley cantau la canzuna pi lu cd Killer Queen: A Tribute to Queen dû 2005.
- Ntô 2010 li Maroon 5 fìciru na rintripittazzioni dâ canzuna.