Gruppu sicilianu

Lu gruppu sicilianu è nu nzemi di parlati miridiunali ca cumprenni lu sicilianu di Sicilia, lu calabbrisi centru-miridiunali, lu salentinu, e lu tarantinu miridiunali. Sti parlati rumanzi di lu Sud Italia fannu parti di lu sistema linguìsticu di la "lingua siciliana" ('n senzu largu).

Zona giogràfica di lu gruppu sicilianu (Sicilia, mità dâ Calabbria, e Salentu) 'n culuri viulettu scuru

Cilentanu miridiunali

E' ntirissanti nutari ca a stu gruppu sicilianu s'agghiunci a li voti puru lu cilentanu miridiunali pirchì sta parlata cilentana havi assai carattirìstichi cumuni cu lu sicilianu di Sicilia. Liggennu arcuni pruverbi cilentani, un sicilianu si pò dari cuntu ch'è veru.

Siculofunìa

L'aggittivu "siculòfunu" sìgnifica "ca parla na parlata di lu gruppu sicilianu" (zoè ca parla lu sicilianu, 'n senzu largu). Li calabbrisi centru-miridiunali, li salentini, li tarantini miridiunali, e li cilentani miridiunali sunnu di li cristiani siculòfuni.

Àutri noma di lu gruppu sicilianu

Mappa dittagghiata dâ zona linguìstica dû gruppu sicilianu 'n culuri viulettu scuru

• gruppu vasciu-miridiunali (o "gruppo basso-meridionale" 'n talianu)
• gruppu miridiunali stremu (o "gruppo meridionale estremo" 'n talianu)
• linguaggiu sìculu-càlabru-salentinu (o "linguaggio siculo-calabro-salentino" 'n talianu)
• sìculu-càlabru-salentinu (o "siculo-calabro-salentino" 'n talianu)
• rumanzu sìculu-càlabbru-salentinu (o "romanzo siculo-calabro-salentino" 'n talianu)
• varianti salentinu-càlabru-sìculi (o "varianti salentino-calabro-sicule" 'n talianu)
• salentinu-càlabbru-sìculu (o "salentino-calabro-siculo" 'n talianu)
• gruppu salentinu-càlabru-sìculu (o "gruppo salentino-calabro-siculo" 'n talianu)

Àutri noma ncumpreti o ncurretti di lu gruppu sicilianu

• càlabru-sicilianu (o "calabro-siciliano" 'n talianu)
• gruppu càlabbru/salentinu (o "gruppo calabro/salentino" 'n talianu)
• salentinu-sicilianu (o "del salentino-siciliano" 'n talianu)
• sistema dialittali sìculu-càlabbru-salentinu (o "sistema dialettale siculo-calabro-salentino" 'n talianu)
• dialettu càlabbru-siculu (o "dialetto calabro-siculo" 'n talianu)
• dialettu sicilianu calabbrisi pugghisi (o "dialetto siciliano calabrese pugliese" 'n talianu)
• dialettu sìculu/càlabbru (o "dialetto siculo/calabro" 'n talianu)
• dialettu sìculu-calabbrisi (o "dialetto siculo-calabrese" 'n talianu)

Vuci currilati

• Lingua siciliana
• Parlati siciliani di Sicilia
• Parlati calabbrisi centru-miridiunali
• Parlati salentini
• Parlati tarantini miridiunali
• Parlati cilentani miridiunali
• Classìfica di li lingui rumanzi

Rifirimenti

• Lingue romanze (articolo della wikipedia italiana)
• Gruppo siciliano (articolo della wikipedia italiana)

Lingua siciliana

• Storia dâ lingua siciliana
• Lingui siciliani prima dî nurmanni
• Brevi Grammàtica Siciliana
• Alfabbetu sicilianu
• Tiurìa dî soni di Pitrè
• Metafunìa
• Vucali mòbbili
• Vucali ncerti
• Ortografìa siciliana
• Lingua siciliana e lingua taliana
• Lingua suvradialittali
• Gruppu sicilianu
• Gallu-sìculu
• Arricanuscimentu dâ lingua siciliana
• Tàvula crunulòggica di scritti antichi 'n sicilianu
• Accademia Siciliana
• Vucabbulariu