Trinacria

Lu dinuminazzioni Trinacria, chi veni dû grecu, è usata nta quarchi ducumentu anticu comu sinònimu di Sicilia. Si rifirisci â natura trianculari dâ Sicilia.

Doppu li Vespri siciliani e vint'anni di guerra tra li ricenti re aragunisi e l'Angiuini, Fidiricu II di Sicilia accittau la paci di Cataviddotta, n'accordu fattu lu 31 di austu dû 1302. St'accordu chiudìu praticamenti lu primu pirìudu dî Vespri siciliani e dî guerri tra Aragunisi e Angiuini pû pussessu di l'Italia miridiunali.

L'accordu limitava lu regnu di l'Angiuini ô miridiuni cuntinintali di l'Italia e diceva ca Fidiricu II di Sicilia putìa cuntinuari a rignari ntâ Sicilia, ma cû titulu di Re di Trinacria e non dâ Sicilia.

Viditi puru

	Storia dâ Sicilia
pristoria \| èbbica finicia \| èbbica greca \| èbbica rumana \| èbbica vànnala \| èbbica gòtica \| èbbica bizzantina \| èbbica àrabba \| èbbica nurmanna \| èbbica sveva èbbica angiuina \| èbbica aragunisa \| èbbica spagnola \| èbbica piemuntisa \| èbbica burbònica \| èbbica cuntimpurània