Fidiricu III di Sicilia
St'articulu parra dû Re di Sicilia chi porta stu nomu. Pi lu re di Sicilia chi vinni quarchi ginirazzioni cchiù tardu, puru iddu chiamau III taliati Fidiricu III lu Sìmprici. La vuci Fidiricu II di Sicilia punta ccà puru. Siddu circati lu mpiraturi svevu omònimu taliati Fidiricu II di Hohenstaufen
Fidiricu III d'Aragona (ntâ Sicilia, Fidiricu II di Sicilia chiamatu macari Fidiricu III di Trinacria), (Barcillona, 13 di dicèmmiru 1272 - Paternò 25 di giugnu 1337) fu riggenti aragunisi ntâ Sicilia, dô 1291, appoi elettu dû Parlamentu Sicilianu Re di Trinacria (1295). Figghiu di Petru III d'Aragona, participau ê Vespri siciliani e fu firmitariu dâ Paci di Cataviddotta. Fu prutagunista di arcuni rifurmi custituzziunali nnuvativi pô XIV sèculu, tra d'iddi li Constitutiones regales, li Capitula alia, li Ordinationes generales.
La quistioni dû nomu
canciaPuru si era lu secunnu Fidiricu di Sicilia, iddu scigghìu di chiamàrisi Fidiricu III, forsi pirchì na cinquantina d'anni prima ci fu nu bisnonnu chi rignau cû stissu nomu di (Fidiricu II dû sacru rumanu mpiru). Perciò Fridericus tertius era ritinutu megghiu. N'autra virsioni dici chi Fidiricu scigghìu di chiamàrisi terzu pirchì era lu terzu figghiu di Petru. Cumunqui quarchi ginirazziuni cchiù tardu ci fu n'àutru re chi si fici chiamari Fidiricu III lu sèmplici, chi pi distinguìrilu fu muntuvatu cu l'appillativu.
.JPG){kind=small}