Vittòriu Amideu II di Savòia e I di Sicilia

Vittòriu Amideu II Francescu di Savòia, chiamatu la Vurpi Savuiarda (Torinu, 14 maiu 1666 – Muncaleri, 31 uttùviru 1732) fu nu suvranu e cunnutteru sabbàudu, Marchisi di Saluzzu e Marchisi dô Munfirratu, Duca di Savoia, Prìncipi di Piemunti e Conti d'Aosta, Moriana e Nizza dô 1675 ô 1720. Fu macari Re di Sicilia dô 1713 ô 1720, quannu addivintau Re di Sardegna, scanciannu cu chista la Sicilia.

Vittoriu Amideu II.

Re di Sicilia e di Sardegna

Nta l'uccasioni dô trattatu di Utrecht, dopu tanti guerri c'avìanu misu 'n ginòcchiu l'Europa, la Casa Savòia appi granni vantaggi, tra cui lu tìtulu règgiu e tutta la Sicilia: lu 10 di giugnu 1713, nfatti, la Spagna firmau lu ducumentu di cissioni di l'ìsula a li Savòia sutta la prissioni di la Nglaterra. Vittoriu stesi n Sicilia nzinu ô 1714 e versu lu 1717 lu re Fulippu V di Spagna dicisi di nvadiri l'ìsula cu 30.000 òmini. Furmalmenti la Sicilia era piemuntisi, ma n pratica era nvasa dî truppi spagnoli.

Di Vienna arrivò a Vittòriu Amideu la pruposta di tràsiri a fari parti di la Quadrùprici Allijanza n cangiu dô tìtulu di Re di Sardegna. La distruzzioni dâ granni flotta spagnola ntô cummattimentu navali di Capu Pàssaru e la vittòria dâ Quadrùprici Allijanza ci primmisi a Vittòriu Amideu di tinìrisi nu tìtulu règgiu. Cô trattatu di l'Aia (20 di frivaru 1720) l'aredi di Casa Savòia uttineva l'ìsula di Sardegna cô tìtulu di Re di Sardegna, 'n canciu dâ Sicilia ca vinìa pigghiata di l'Àustria. Finiva accussì lu piriudu piemuntisi dâ Storia dâ Sicilia.