Who Wants to Live Forever
| Who Wants to Live Forever | ||
|---|---|---|
| Artista: | Queen | |
| Tipu album: | 7" e 12" sìngulu | |
| Data dâ nisciuta: | 15 di sittèmmiru 1986 | |
| Durata: | 5 min 17 s | |
| Album di pruvinenza: | A Kind of Magic | |
| Gèniri: | Rock prugrissivu, Rock sinfònicu, Art rock | |
| Prudutturi: | Queen, David Richards | |
| Noti: | Pubblicatu comu double a-side nzemi a Killer Queen #7 (Ulanna/1992) #24 (Regnu Unitu) | |
| Cumpusituri: | Brian May | |
| Casa discugràfica: | EMI | |
| Singulu pricidenti: | Pain Is So Close to Pleasure | |
| Singulu succissivu: | One Year of Love | |
Who Wants to Live Forever è na canzuna dî Queen, scritta di Brian May e pubbricata comu sestu sìngulu nnô discu A Kind of Magic dû 1986. Fu pubbricata 'n virsioni sìngulu, cu la b-side Killer Queen, lu 15 di sittèmmiru 1986. La canzuna fu utilizzata nnô film Highlander – L'ùrtimu immortali e arrivò ô 24° postu nnâ classìfica ngrisa.
La canzuna
canciaLu significatu dâ canzuna parra l'argumentu di l'immortalità ed è lu tema cintrali dû film, la canzuna è utilizzata pi nquatrari quarchi scena dû film 'n cui n'omu scuzzisi pridistinatu a vìviri pi sempri, Connor MacLeod, rinnènnusi cuntu di nun putiri mòriri, avi a suppurtari la suffirenza eterna di vidiri li pirsuni addivintari vecchi e poi mòriri, mentri iddu comu immortali resta sempri vivu. La canzuna vinni scritta di Brian May, duranti lu tragittu 'n taxi di l'ariuportu di Londra-Heathrow finu a li studii di riggistrazzioni, e si basa ncapu li prublemi pirsunali di May (e la morti di so patri). Nzemi a lu sìngulu A Kind of Magic è una dî canzuni principali dâ culonna sunora dû film Highlander – L'urtimu immortali. La canzuna fu cantata 'n tutti li tappi dû Magic Tour, ùrtimu tour dû gruppu ngrisi, è puru una dî tracci dâ raccolta dî succissivi Greatest Hits II.
Vidiu clip
canciaLu vidiu fu direttu di David Mallet e giratu 'n un magazenu di tabbaccu di Londra, nnô sittèmmiru 1986. Lu vidiu si grapi cu Brian May darreri li canni di nu organo. Doppu la prima parti, attacca la cantari Freddie Mercury nzemi a la Philharmonic Orchestra, finita puru a parti vucali, attatta arreri Brian May cu la chitarra. Poi, Freddie canta lu riturnellu cu n'estensioni vucali assai nutèvuli. Lu vidiu si chiudi cu lu riturnellu cantatu puru di nu coru di picciriddi. La virsioni cca discritta è chidda miricana di durata di 4 minuti. È l'ùrtimu vidiu riggistratu cu Freddie Mercury ancora 'n saluti, lu vidiu succissivu, chiddu di I Want It All, fu giratu ntô 1989, quannu lu cantanti era già malatu di AIDS di quasi 2 anni. Nnô vidiu s'accumincia a vidiri quarchi canciamentu, comu la varba ca si fici crisciri p'ammucciari li macchii russi, sintumu dâ malattìa.
Virsioni live
cancia- Li Queen cantaru na virsioni ii Who Wants to Live Forever assai canciata nnî cuncerti dû Magic Tour dû 1986 (comu p'asempiu ô cuncertu di Wembley e chiddu d^Nèpstadion di Budapest. Na sta particulari virsioni, la canzuna è cantata sulu di Mercury, mentri sia nu branu urigginali ca ntô vidiu la parti ô principiu veni cantata di Brian May. N'àutra diffirenza di sta virsioni live è ca nnô riturnellu, doppu l'assolu di chitarra di May, Mercury, dici dui voti "Who wants to live forever" nnô stissu modu, mentri nnô vidiu lu secunnu "Who Wants To Live Forever" si jisa di tonu.
- Ntô 1992 li Queen doppu 6 anni cantaru arreri la canzuna ô Freddie Mercury Tribute Concert nzemi ô cantanti Seal
Cover
cancia- Ntô 1988, Elaine Paige riggistrò nu album di canzuni dî Queen, e cumprinneva puru sta canzuni.
- Ntô 1995, Jennifer Rusch riggistrau na virsioni cu Brian May nnô so album.
- Luciano Pavarotti cantò sta canzuna nzemi a Giorgia nnô so cuncertu di limòsina Pavarotti & Friends.
- Shirley Bassey fici na cover di sta canzuna nnô so album ntô 1995, Sings the Movies.
- Dune riggistrò na virsioni pi l'album dû 1997.