I Want to Break Free
| I Want to Break Free | ||
|---|---|---|
| Artista: | Queen | |
| Tipu album: | 7" e 12" sìngulu; CD | |
| Data dâ nisciuta: | 2 di aprili 1984 | |
| Durata: | 4 min 26 s | |
| Album di pruvinenza: | The Works | |
| Gèniri: | Pop rock | |
| Prudutturi: | Queen, Reinhold Mack | |
| Noti: | Pubblicatu comu double a-side nzemi a "Machines" #1 (Austria, Belgiu, Ulanna, Africa dû Sud) #2 (Irlanda, Svìzzira) #3 (Regnu Unitu) #4 (Girmania) #5 (Spagna) #9 (Australia) #45 (USA) | |
| Cumpusituri: | John Deacon | |
| Casa discugràfica: | EMI (UK) Elektra (USA) | |
| Singulu pricidenti: | Radio Ga Ga | |
| Singulu succissivu: | It's a Hard Life | |
I Want to Break Free è na canzuna dî Queen, scritta di John Deacon e pubbricata comu secunnu sìngulu nnô discu The Works dû 1984. Fu pubbricata 'n virsioni sìngulu, cu la b-side "Machines", lu 2 di aprili 1984.
La canzuna è assai famusa a causa dû vidiu musicali unni tutti li cumpunenti dû gruppu sunnu vistuti cu àbbiti di fìmmina; la zita di Roger Taylor, cunzigghiau li cumpunenti dû gruppu di fari na paruidìa dâ soap opera Coronation Street, lu gruppu accittau l'idea e fu riggistratu lu vidiu ca ebbi nu gran successu nnô Regnu Unitu, ma criau assai dibattitu nnî Stati Uniti, ô puntu ca MTV lu cinzurau pi 7 anni, sbinnannu lu rapportu tra lu gruppu e li media miricani.
| « «Ricordu ca lu vidiu fu cinzuratu, MTV nna ddi tempi era assai viluci a cenzurari, si pinzati ca Mary Whitehouse fussi rigurusa, nun aviti mai canusciutu certi parrucconi di MTV dî primi anni 80.» » | |
(Harvey Kubernick)
|
Freddie Mercury dissi ca lu gruppu nun avissi cchiù fattu spittàculi nni Stati Uniti dâ Mèrica. Doppu la nisciuta dû sìngulu, ntô 1984, lu branu fici assai successu 'n tutta l'Europa e 'n Amèrica dû Sud, unni la canzuna fu cunziddirata comu nu veru e propriu innu di lotta contra l'opprissioni. La canzuna arrivau sulu ô 45° postu nnî classìfichi miricani, arrivannu pirò ô 3° postu nnî classìfichi ngrisi.
Vidiu clip cancia
| « «Murivu la vogghia di travistìrimi. Nun piaci a tutti? E tutti si mìsiru a curriri pi vistìrisi di fìmmina. L'idea fu d'iddi e ju dissi: “Amunì, facèmmulu”.» » | |
Lu vidiu fu direttu di David Mallett, giratu lu 22 di marzu e lu 4 di maiu 1984 nnî Limehouse Studios, custannu circa 100.000 stirlini. Lu vidiu fu misu nnâ raccolta Greatest Hits II e pizzuddicchi dû vidiu foru stati utilizzati pi la canzuna The Show Must Go On.
La parti nizziali dû video è na paroia dâ soap opera ngrisa Coronation Street. Lu vidiu mostra Freddie Mercury vistutu comu na casalinga, spirata a Bet Lynch, ca si voli libbirari dâ so vita. Bet Lynch era biunna nnâ soap opera, Mercury pirò dicisi di utilizzari na parrucca scura, picchì ca parrucca biunna si sinteva troppu stùpidu. Brian May fa la parti di n'àutra casalinga, assai cchiù rilassata, spirata a Hilda Ogden. John Deacon appari comu na “nanna” cunsirbatrici”, mentri Roger Taylor fa la parti di na studintissa, puru iddu, comu Mercury, ca voli libbirari la so vita.