Alfredu Danese (Catania, 1916) è atturi, riggista e auturi di òpiri di tiatru 'n lingua siciliana, cu na vintina di cummèdii; è macari pueta e di li sò puisìi si nn'hà sirvutu pi mintìricci culuri e fulclori ntê sò riggìi tiatrali.

Cu li puisìi, Alfredu Danese, ammustra la tristi rialitati di nu munnu amaru e griggiu, la stissa ca veni ammustrata macari nta l'òpiri tiatrali, ma ccâ puisìa, ntâ cuncritizza d'idda, nta picca rimi, cô jocu di li mmàggini, ssa rapprisintazzioni dô munnu veni taliata cu na cchiù forti ntizitati.

L'òpiriCancia

Tra li cummèdii, li cchiù canusciuti sunnu:

  • 'U gruppu d'a cravatta
  • Cosi di pazzi

Ntô 1978 pubbricau un vulumi titulatu "Teatro Popolare Siciliano", unni ci sù tri sò farsi e la cummedìa 'U gruppu d'a cravatta

Asèmpiu dâ sò puisìaCancia

Malidittu lu suli

Jù mortu
mi vippi lu tò ciatu
e briviscii.
Tu ragnu,
tissisti tila d'amuri
e mi vistìi.
Filici
di st'occhi
cascò 'n terra na lacrima,
sbucciò 'n lettu di ciuri
unni abbrazzatu
m'addurmiscìi cu tia.
Quannu lu suli
smuntò la luna
e addumò la jurnata
mi truvò sulu,
nudu
e sbannutu...
Malidittu lu suli!...