Jacupu Mostacci
Jacupu Mostacci (Pisa/Missina, XIII sèculu) fu nu pueta dâ Scola siciliana.
Biografìa
canciaComu dici la rùbbrica dû canzuneri Palatinu, Jacupu Mostacci nascìu a Pisa, ma n'àutra vuci, cchiossai mpurtanti e cumpitenti, lu cunzìddira nasciutu a Missina e appoi doppu asiliatu nta l'Abbruzzu.
Falcuneru ufficiali di Fidiricu I di Sicilia (1240), fu ammasciaturi n Aragona pri cuntu di Manfredi, figghiu di Fidiricu I , ntô 1262.
Òpiri
canciaÈ autori di quattru canzuni arcàichi e pruvinzaliggianti, sarvati ntô manuscrittu Canzuneri Vaticanu latinu 3793 ammenzu a l'òpiri di Rinaldu D'Aquinu e Cielo d'Alcamo; ntê canzuni ci sunnu cchiù di tutti li mutivi cunvinzionali dû scantu pi l'amuri ca pò èssiri pirdutu e dâ nicissitati d'ammucciari lu pròpriu sintimentu.
Chisti sunnu li tituli dê canzuni:
- Amor ben vejo che mi fa tenire
- A pena pare ch'io saccia cantare
- Umile core e fino e amoroso
- Mostrar vorria in parvenza
Participau macari a nu cuntrastu puèticu supra la natura e l'uriggini di Amuri cu Jacopo da Lentini e Pier delle Vigne cumposta di:
- Sollicitando un poco meo savere di Jacupu Mostacci
- Però ch'amore non si pò vedere di Pier della Vigna
- Amore è uno desio che ven da' core di Jacopo da Lentini
Asempiu
canciaAmor ben vejo che mi fa tenere [1], trascrittu pi sicilianu:
- Amor ben viju ca mi fa tèniri
- manera e custumanza
- di l'ausciari, c'arditanza - lassa stari
- quannu lu mmernu vidi lu suli viniri;
- ben metti 'n oblianza
- la giujusa baldanza -- di svernari;
- e pi chissu la staciuni non si piaci
- ca la friddizza nghiazza.
- E poi pi primavera
- ricùpira manera
- e so cantari di nova e so raciuni:
- e ogni cosa voli so staciuni.
Rifirimenti
cancia- ↑ Dieli, Art, Sicilian Poetry, SicilyPage, taliatu lu 8 di giugnu, 2008.
