Vann'Antò, pseudònimu di Giuvanni Antoniu Di Giacomo (Rausa, 1891 - Missina, 1960), fu un pueta talianu chi scrivìu n sicilianu. Prufissuri di Littiratura dî tradizzioni pupulari a l'Università di Missina, fu cu Ignaziu Buttitta lu màssimu espunenti dâ puisìa siciliana dû XX sèculu.

Divintau n'autorità nun sulu pî sò òpiri urigginali, ma puru pî traduzzioni di certi autura, suprattuttu dî dicadintisti francisi.

Tra li sò raccolti di puisìi s'arricòrdanu:

  • Il fanti altu da terra (1923)
  • Voluntas tua (1926)
  • Madonna nera (1955)
  • Fichidindia (1956)
  • U vascidduzzu (1956)
  • 'A pici (1958).

Scrivìu noltri saggi supra la Littiratura dî tradizzioni pupulari, tra cui: Il dialetto del mio paese (1945), Indovinelli popolari siciliani (1954), Gioco e fantasia (1956). Curau l'edizzioni di La Baronessa di Carini (1958, di na stòria dû Cincucentu).