Giuseppi Borrello
Giuseppi Borrello, pueta dialittali sicilianu e patriotta talianu, nascìu a Catania ntô 1820 e murìu ntâ stissa cità ntô 1894.
Ntô 1837, quannu a Catania s'eppi lu culera, ci dèttiru la carica di ufficiali dû cuvernu burbònicu, ma, appoi, ci fu livata pi li sò idii libbirali.
Participau macari ê moti catanisi dû 1848 e doppu s'arrulò tra li garribbardini, unni pigghiau lu gradu di maggiuri nta l'asèrcitu riculari.
L'òpira antològgica ca arricogghi li sò scritti puetichi è Puisii Siciliani.
Asempiu
canciaNa puisìa di n'arvulu famusu
canciaSùpira la celibbri castagnu dê Centu Cavaddi, Borrello cci fici sta puisìa:
- Un pedi di castagna
- tantu grossu
- ca ccu li rami so' forma un paracqua
- sutta di cui si riparò di l'acqua,
- di fùrmini, e saitti
- la riggina Giuvanna
- ccu centu cavaleri,
- quannu ppi visitari Mungibeddu
- vinni surprisa di lu timpurali.
- D'allura si chiamò
- st'àrvulu situatu 'ntra 'na valli
- lu gran castagnu d'i centu cavalli.
