Usu dâ «G» aspra a lu nizziu di li palori

Diffusioni

La “G” aspra a lu nizziu di li palori veni usata supratuttu nta li zoni di lu centru di la Sicilia (p’asempiu: gadduzzu), mentri nta assai àrii di l’ovest e l’est di l’ìsula succedi la pirduta dâ “G” aspra. Stu finòminu caractirìsticu di la lingua siciliana è veru diffusu. Nta li parrati di la Sicilia occindintali c’è na disparizzioni tutali di la “G” (p’asempiu: ‘adduzzu) mentri nta li parrati di la Sicilia urientali arresta na”J” cunzunantali (p’asempiu: jadduzzu), chiamata a li voti “I” cunzuntali (p’asempiu: iadduzzu). A li voti, la "g" si leva e veni rinchiazzata di na "v" (gùnciu / vùnciu).

Nu finòminu prisenti nta àutri lingui

Ci voli nutari ca stu finòminu funèticu nun è tìpicu sulu dû sicilianu, pirchì asisti nta àutri lingui neolatini, comu la lingua corsa ca havi li furmi:

gola / vola (zoè 'n sicilianu: "gola")

ecc.

Rifirimenti ca ùsanu la “G” aspra

• Grammàtica di Pitrè, 1870
• Vucabbulariu di Piccittu, 1950-1980 (n'ammustra tutti li variazzioni lucali)
• Dizziunariu di Luigi La Rocca, 2000
• Grammàtica di Bonner, 2001 (e s'attrova puru certa palora cu «i-»
• Vucabbulariu di Lucio Zinna, Antares Editrice, 2002

Rifirimenti ca ùsanu la “J” cunzuntali

• Vucabbulariu di Camilleri, 1998

Rifirimenti ca ùsanu la “V”

• Dizziunariu etimològgicu di Giarrizzo, 1989 (e puru la «G-»)

Ntâ littiratura siciliana

• Dî pruverbi siciliani cugghiuti di Giuseppi Pitrè:

Quannu è cuntinua la stizzera junci a pirciari la petra cchiù dura.

• A Lupa di Gaitanu Cipolla:

V'avìa ffucari a tutti,

com'a li jattuneddi

• La Barunissa di Carini, virsioni di Salvatore Salomone-Marino:

ma lu distinu nni junci fatali;

Sicilianu standard usatu ntâ wikipedia

Raccumannamu d’usari la “J” cunzunantali pi sustituiri la “G” aspra a lu nizziu di li palori.

Fonti usati

• I Diffirenzi principali ntra i parrati siciliani (a cura di J. K. "Kirk" Bonner)