Usu dâ «ND» ô nternu dî palori
Diffusioni cancia
La “ND” etimològgica ô nternu dî palori veni usata principarmenti nta la parrata di Missina (p’asempiu: quandu, undi, ndirizzu, ecc.), mentri nta la maiuri parti di l’àutri àrii succedi l’assimilazzioni funètica dâ “D” ca veni sustituiuta di na “N” (p’asempiu: quannu, unni, nnirizzu, ecc.). Nta arcuni parrati nun succedi st’assimilazzioni funètica, e mmeci di chista c’è nu raffurzamentu di la “D” ca veni sustituiuta di na “T” (p’asempiu: liggenta, càntita, ecc.).
Asempi cancia
secundu (secunnu)
cumpendiu (cumpenniu)
ndicazzioni (nnicazzioni)
ndipindenti (nnipinnenti)
parrandu (parrannu)
cundizzioni (cunnizzioni)
vandalìsimu (vannalìsimu)
stupendu (stupennu)
ndicari (nnicari)
Rifirimenti ca ùsanu la “ND” cancia
Rifirimenti ca ùsanu la “NN” cancia
- Grammàtica di Pitrè, 1870
- Vucabbulariu di Piccittu, 1950-1980
- Dizziunariu etimològgicu di Giarrizzo, 1989
- Vucabbulariu di Camilleri, 1998
- Dizziunariu di Luigi La Rocca, 2000
- Grammàtica di Bonner, 2001
- Vucabbulariu di Lucio Zinna, Antares Editrice, 2002
Rifirimenti ca ùsanu la “NT” sìmprici cancia
- Piccittu (ammustra "NT" e "ND")
Ntâ littiratura siciliana cancia
- Petru Fudduni e U Dottu di Trip di Petru Fudduni:
- Mi fu mannatu un marzapani chiusu,
- ca ntra lu munnu lu paru nun cc'è;
- Sta notti...' di Luiggi Capuana:
- Vitti li stiddi scìnniri e acchianari,
- La Morti di Gnazziu Buttitta:
- cu li stranii ca giudicanu
- e cunnannanu senz'essiri visti.
- Dî pruverbi siciliani cugghiuti di Giuseppi Pitrè:
- Cui accatta havi bisogna centu occhi, e cui vinni unu sulu.
- A cui ti pò pigghiari chiddu chi hai, dacci chiddu chi t'addumanna.
- Quantu amici si pèrdinu, tanti scaluna si scìnninu.
- A Lupa di Gaitanu Cipolla
- fa scannalu ntô munnu.
- difennu cu arduri
Sicilianu standard usatu ntâ wikipedia cancia
Raccumannamu d’usari la “NN”. Ma pi quarchi eccizzioni si poti usari puru la “ND” (p’asempiu: "ìndici", “standard”, ecc.).
Raccumannamu di nun usari st’assimilazzioni funètica dâ “D” ca veni sustituiuta di na “N” ntra dui palori. P’asempiu, è megghiu scrìviri “San Dumìnicu” mmeci di “San-Numìnicu” e è megghiu di scrìviri "nun dormi" mmeci di "'un-normi".